بسم الله الرحمن الرحيم
بدخل بالموضوع على طول بصراحه انا انقهر من عقلية بعض الحريم اذا صارلتها مشكله في الرحم من افرازات هواء الخ تروح تركض تسال بالنت وتاخذ تجربه من هنا ونصيحه من هنا وتدور رقم ممرخه والا وحده تبيع اعشاب او حتى وصفات ماتدري وش تاثيرها على المدى البعيد يعني اشياء تشربينها او تحاميل اوبخور يسنعك 10 سنين ويدموك باقي عمرك طبعا عشان محد يفهمني غلط انا مو ضد كل اللي قلته من الطب الشعبي بالعكس معه بس ناخذه بالمعقول وفي وقت انتي متاكده من نظافة الاشياء الللي تستخدمينها وشي انتي بنفسك تسوينه او تشوفين قدام عيونك الشخص اللي بيسويه لاتثقين في اي شخص مهما كان والنقطه اللي اهم تستخدمينها بعد ماتتاكدين ان مافيك التهابات او قرحه يعني سليمه ميه بالميه اخذي الاعشاب للوقايه روحي الدكتوره في مستشفى وتكون لها سمعتها يعني مو ماديه سوي فحوصات يفضل بعد كل دورتين تروحين ماراح تخسرين شي بالعكس بتكسبين صحتك الطب تقدم و الادويه والتحاميل نفس مفعول الاعشاب واحسن بس بشكل امن واسرع يعني المره هي نفسها المضاد الحيوي قبل جداتنا ماكان عنهم مضاد حيوي تحاميل او حبوب فا يلجأون للمره طيب مدامها متوفره عندنا بشكل افضل وانظف ومفعول سريع ليش مانلجأ لها من كلام استشاريه في مستشفى الولاده والاطفال قالت لي مشاكل الرحم بسيطه جدا اذا كشفتي مبكر يعني الالتهاب في المهبل يسبب ريحه واصوات ورطوبه واذا ماعالجتيه بدري يصير قرحه في الرحم وماله علاج الا الكوي
انا ماكتبت هالموضوع الا منقهره من اشياء اقراها هنا الوحده من تحس بمشكله تجي تسال مو غلط اسالي ب اشياء للوقايه بس مو علاج يعني احنا مو دكاتره وحاله عن حاله تفرق كل وحده جسمها وتقبلها للاعشاب غير عن الثانيه اي شي تحسين فيه على طول مستشفى لاتترددين او تاخذين تجارب غيرك خلينا نكون صرحين هاذي منطقه حساسه حياة الحرمه كلها متعلقه فيها من علاقة حميميه لولاده كل ماهتميتي كل مامورك في السليم
كتبت هالكلام من قلبي ومالي مصلحه بشي بس والله احب انصح لللي حولي ويحترق قلبي لاشفت حريم كثير في غفله وانا وحده مجربه كنت اعاني مثل الحريم واتعالج شعبي الوضع كل ماله يزيد سوء لين رحت الدكتوره بعد الحاح امي لقت التهاب وفطريات ودنيا وبعد الله مارتحت الا بتحاميل طبيه وغسول وحبوب والحمدلله الحين رجعت للاعشاب للوقايه يعني لهوم وغسول بس التحاميل مستحيل شي غير طبي
اتمنى منكم دعوه الله يفرج همي ويسخر لي زوجي
um79 @um79
عضوة جديدة
يلزم عليك تسجيل الدخول أولًا لكتابة تعليق.
عطري الجوري
•
يعطيك العافيه كلامك درر مششكوره للتنبيه
الصفحة الأخيرة