صبحكم / مساكم الله بالخير كل واحدٍ بإسمه
أول شي / آسف جداً جداً جداً على كثر الصور - غشيم وتوي أتعلم يالربع - وودي لكم بالجزل حتى لو هي صور , لذلك آسفين على اثقال متصفحكم بكل هالصور يعني تبون تشوفون الصور كلها سوو ( تحديث ) كم مرة لين تظهر كل الصور , وترى عادي ياشباب نتقبل النقد المباشر والغير مباشر بصدرٍ رحب , يعني بيجي واحد وبيقول يا أحمد الله يصلحك الصور كثيرة ومتكررة ومتشابهة عادي أتقبل الامر بس ترى اللي بيقوله والله لأصدمه بالجيب
ماعاد الا هي نتعب نتعب وآخرتها عذاريب 
, لاحظو ترى هذا أول شي ( الله يعينكم علي )ثاني شي / هذي سلمكم الله رحلة خفافية يوم الإربعاء الماضي مع وجيهٍ شرواكم لديرة الكرم والجود ( حائل ) خذنا فيها يوم ونصف هناك ورجعنا لأهلنا في القصيم وإن شاء الله إني رايح رايح الله لا يعوق بشر بالاهل ( الوالدة والإخوان وبعض الاقارب - وعسى الله يجيب اللي نقول لهم الأهل
يعني عسى الله يجيب العرس , ماش أحس فيه ناس واجد ماهيب فاهمةٍ علي زين , ركزوا الله يخليكم ركزوا ) - لا حول ولا قوة يارجال عجل علينا !!!!! طيب طيب طيب إصبروا ثلاث شويات بسثالثاً / أعضاء الرحلة : الشيخ نواف الصخيبر ( أبو محمد ) , الشيخ محمد بن حجاب بن نحيت ( أبو عبد الإله ) , أبو فارس ( دهران ) , فهد الصخيبر( أبو نواف ) , والشبل محمد بن نواف الصخيبر , وطبعاً محاكيكم أحمد بن عبد الله الشبعان جعلني أعرس إن شاء الله
البداية كانت في التجمع في قصر (ابو محمد ) في عنيزة والصراحة تغدينا هاك الغدوة اللي بأموت ما نسيتها عسى الله يكثر خيره , وأخيراً كلت على طاولة وبالشوكة والملعقة بعد
أبو عبد الإله وأبو محمد ومحاكيكم ( ميتٍ من الجوع )
كثر الرز يابو محمد كثر ورانا خط حايل
شوفوا الإتكيت بس
والله العظيم ماعرفت آكل يالربع يازين ضرب الخمس بس ( لا وغاص بعد )
يتبع يتبع
