رحيل خااااااااااااااااالد أيقضني<< من طيلة الأمل>>

ملتقى الإيمان

خالد...... أصغر اخواني واخر العنقود.....لكنه بافعاله وطيبته وحنانه وعطفه الذي كان يحتويني افضل من أخواني......!!
نعم ياحبيبي خالد أتذكر عندما تجيب ولدي عامر أتذكر بعد كل فتره تجيبه وترميه بحضني....أنت الوحيد اللي فكر بحزني وشوقي....رغم الكل أبعد عن المشاكل وتحذير لك ولم تبالي وتقول اللي اسويه ماهو حرام أجيب ولد اختي عشان تشوفه ...
أتذكر....؟؟؟
أتذكر عند كل تجمع تنصحنا ... وفي تلك الليلة وأنت تجادل مها وتقولها شايله حواجبك ياويلك من الله؟؟؟ وترد مها ماني شيلتها مشقره وقال: طيب نفس القصه
وتقول :لا بس أجازوه الشيوخ قالها بس احذري بكره تموتين وانزلك قبرك واقول ياما نصحتك ياختي؟؟؟؟
صرخت مها بوجهه وقالت :قبلي تموت........؟؟
أتذكر لما نروح السوق تحلفنا ولاوحده تتلثم ... واذكروا النار؟؟؟
أتذكر لما تسمعنا واحنا نهرج بفلانه وتقول : ماتخفون ياالحريم من النار ذحين عرفت ليه الحريم يدخلون النار؟؟؟
ويوم لاربعاء اهداه صاحبه ماهر شجرة ميته لاحياة فيها وضحك خالد وقله والله لزرعها قدام البيت وفعلا غرسها خالد عند الباب وقال له ماهر يمكن تحيا عندك
وفي يوم الخميس 27/1/1425 دخل خالد البيت ودموعه تنهمر من شدة الحزن
وامسكت بيده والخوف انتشر بجسمي؟؟ خالد ايش صار وجلس وكأنه لايستطيع حمل الحزن... وبصوت حزين ممتلي بالدموع ماهر مات وصرخت بوجهه ماهر صاحبك واشر براسه نعم مات....
وجلست ابكي بجواره وكيف لاابكي عليه وهو الذي كان يعطيه سيارته عشان يجيب ولدي عامر
وبكت امي ورفعت يدها لسماء.. يارب صبر امه يارب صبرها هيه اللي راح تفقده
وبقي خالد حزين ورثاء صاحبه بقصيده
سلام بكتب لكم كسرات والبسمه دمعات منهاره
معاد صبرآلجل من مات يارب نورله في داره
خبرسمعناه في لحظات في لحظه والنفس محتاره
الكل يذرف من الدمعات دمع الحزن في وسط داره
يوم الخميس هادم اللذات اخذ حبيب من الحاره
يالله منزل من الجنات لأنه الطيب مقداره
ياناس عمره الذي قدمات ارتاح من دنيا غداره
وادعوله باحسن الدعوات يااصحاب لوكنتم اخوانه
والصبرفي اصعب الحالات هذا العمر وهذي اقداره
رسول البشرماسلم ومات البعد محدآ قوى ناره
ومرت الايام بحزن شديد وتغير حال خالد .......... أتذكر وانت تقول لي كيف نروح الجنوب وماهر ماهو معانا كيف اتمشى وذكرياتنا مكتوبه على جبالها؟؟؟
جمع اصاحبه وتصدق عنه بفرش مسجد..... وسبحان الله الشجره بدأت اوراقها تخضروجاء خالد قال ليه طالعي وشوفي الشجره خضرت سبحان الله ثالث يوم من موت صاحبه!! وفرحه انبعثت في وسط حزنه!!كيف لا وهيه من ريحت اعز رفاقه؟؟؟وسألت خالد كان يصلي ماهر؟ قال هوه اللي حببني اكثر بالصلاه!!!!
وفي شهر رجب تغير خالد لاياكل ولا يهرج بس يفكر ويفكر واسأل خالد ايش فيك؟؟؟
يجاوب مافيه شىء... ويخاصم اختي الكبيره ليه ماتصحين ولدك للصلاه والله ذنبه
برقبتك؟؟؟؟؟؟؟ وعلى هذا حاله
وفي يوم 9/7/1425كنا سهرانين عند اختي وبعد الفجر اتصل خالد وينكم مانتم في البيت ؟؟ قلت له بس نفطر ونجي قال خلاص اجي افطر عندكم؟؟ غريبه له فتره حزين وماياكل ؟؟؟
جاء وفطر معانا ويضحك وقلت له ايوه كذا نبغاك ونظر ليه نضرة مافهمتها
وبعد مافطر اخذ عامر ولدي لانه يحبه وراحوا البيت
وفي الساعه التاسعه رحنا البيت ولقيت امي جالسه بالصاله وعامر وقلتلها وين خالد قالت والله كان جالس عندي واتصل فيه ولد جرانا بنفس عمره وراحوا يتمشون في البحر على طريق املج؟؟؟؟
ودخلنا نام.... وقلت لأمي نامي قالت مافيه نوم والله مدري وشبه قلبي قابضني؟؟
< وخفت من كلمة امي > وقلت ماني نايمه الا إذا جاء خالد؟؟؟
بس النوم كبس عليه ونمت؟؟
والساعه 11اسمع امي مات مات واصحى مفجوعه من النوم وامي واخوي الكبير حاضنها يقولها مامات بس في العنايه
ووضعت يدي على صدري احسه كأنه بيخرج من ضلوعي ونظرت بعيون اخوي الكبير ونفس نظرات خالد يوم موت صاحبه وعرفت بالنظر ان خالد مات مات
واصبت بالهذول لقد فقدت اخ واب وزوج لقد فقدت الدنيا ومافيها
صرخت بصوت عالي ابغى خالد قال اخويه الله يعوضكي عن خالد بعامر صرخت في وجهه لااحد بالدنيا يعوضني عنه.....بكيت عليه دم وبكاء عامر ويقول ياريته اخذني
معاه لكنه رفض ان يرافقه ....؟؟؟قال عامر يامي خالي خالد جالس عند حمامه فوق ااسطوح اشترى اكل كثير للحمام وصاني قال ياعامر لاحد يلعب بالحمام ويأذيه وحطله اكل يمكن اتأخر؟؟ وعامر قاله ليه ابتسافر... طالع فيه وضحك؟؟؟وقال عامريامي وصى يوسف ولدجيرانا انه يكثر اكل الحمام لانه حتى يوسف بيخاويني فعلا رحل يوسف معه!!! وقال ليه ولد اختي ان خالد البارح قال للعيال لومت لاتبكون عليه وضحك يوسف!! وقاله خالد ابتروح معاي ماني مخليك وجلسين يضحكون!! سبحان الله كان حاس ....

لقد توفى في حادث ومعه اربع من الشباب من ضمنهم ولد جيرانا وجاوره ايضا بالقبر
لقد لحق رفيق دربه وجمعهمالله بالدنيا والاخره........قدر الله وماشاء فعل...

لقد تجدد حزن ام ماهر بموت خالد..... وتذكرت كلمة امي ماراح احد يفقده الاامه؟؟
انظر الى امي والحزن لفراق حبيبها وصغيرها كبرها 20 سنه...
يرحمك الله يانبع الحنان والطيبه وصادق القول والفعل وادخلك الله فسيح جناته انت وصحبك في الخير وعوضكم عن الدنيا ومافيها وعن شبابكم وزوجكم بحور العين
فكيف لا وانت ارحم الراحمين واجود الاجوادين واسرع الحاسبين يارب العالمين

وبعد مرور سنه اتذكر كل كلمه ياحبيبي وتتذكر مها نصيحتك لها؟؟؟؟وحتى اخوك اللي اكبر منك صرخ بصوته كان ينصحني على الصلاة وانا الاكبر.......



نعم لقد ايقضت كل من كان نائم وان الدنياقصيرة جدآ جدأ

هكذا كرهت كل ملذات الدنيا ياحبيبي وباذن الله يجمعنا في الجنه آآآآآآآآآآآآمين
40
3K

يلزم عليك تسجيل الدخول أولًا لكتابة تعليق.

تسجيل دخول

dove smile
dove smile
رحم الله اخاك وجمعكم به في الفردوس الاعلى..............
إنه ولي ذلك والقادر عليه...........
هدوي29
هدوي29
والله بكيتيني ونزلت دمعتي
الله يرحمه ويجعل قبرة روضه من رياض الجنه ويعوضج خير في ولدج عامر ويصبر أمج ويلهمها السلوان
نسا يم ورد_6
نسا يم ورد_6
عظم الله اجركم اختي
اسال الله العظيم ان يغفر له ويرحمه ويسكنه فسيح جناته
نسال الله لك الصبر والسلوان واهلك
المستعينةبالله
عظم الله اجركم اختي اسال الله العظيم ان يغفر له ويرحمه ويسكنه فسيح جناته نسال الله لك الصبر والسلوان واهلك
عظم الله اجركم اختي اسال الله العظيم ان يغفر له ويرحمه ويسكنه فسيح جناته نسال الله لك...
نسا يم ورد_6]عظم الله اجركم اختي
اسال الله العظيم ان يغفر له ويرحمه ويسكنه فسيح جناته
نسال الله لك الصبر والسلوان واهلك
عصير الخوخ
عصير الخوخ
قصه تبكي وتحزن القلب لكن يا حبيبتي هذه حال الدنيا و السعيد فيها من يتكيف مع ظروفها و يصبر و يحتسب الأجر من الله تعالى
والا الدنيا ما تستاهل شيء
الله يصبرك على مصابك ويجزيك إنتي و أخوك بجنات و نهر في مقعد صدق عن مليك مقتدر
و يا أختي ما دامه كان على خير و صلاح لا تحزنين عليه يمكن يكون في حياة أفضل من حياتنا بمليون مره
وأشهد الله إني أحب أختي الملقبه بالخاشعه حباَ في الله و أسأل الله أن يجمعني بها على منابر من نور يوم اللقاء
اللهم أمين