صباح الخير لأحلى عالم حواء
رح أكتبلكم على طريقتي اللي رح أعتمدها لتقشير الثوم اللي فجأه خطرت على بالي وأنا كنت أمس بقشر الثوم لماما عشان نفرمه ونفرزنه يمكن تكون قديمه قدمرت عليكم
بس إن شاء الله تعجب اللي اول مره تقشر ثوم بكميه كبير زي أنا ... المهم وأنا بقشر الثوم ياحبايبي على حبه حبه واقطع راس كل حبه وأضغط على كل حبة ثوم بالسكين عشان يسهل عليا تقشيرها فتعبت ..غير لريحه فجأه إلا يخطرعلى بالي ... يد الهوند
إلا وأحط باقي الثوم اللي طبعا كنت مفكفك راس الثومه فوق منشفه على الطاوله وآآآ icon29::icon29
وبعدين شلتهم كلهم بقشرهم وحطيتهم بالمصفايه وعالمجلى وفتحت المويه على خفيف وزي الحلاوه وبكل سهوله أتقشر كل القشر من عليها
هذي الصوره وهي في المجلى
وهذي بعد ماقشرته كلهم وغسلتهم
بعدين سبتهم ينشفوا بعد حمام الهناء اللي اخذوا
وبعد مانشفوا علمتي ماما كيف هي بتخلطه بتجيب الخلاط الصغير تبع البن
وتعبيها وتكب عليها فنجان قهوه زيت زيتون بس لاتعبي الفنجان مره ونخلطه سألتها ايش حكمة الزيت زيتون قالت عشان يسهل طحنه ومايخرب عليك في الفريزه لما يتفرزن وحتى إذا بغيت تحطي كميه بسيطه في علبه حق اسبوع في البراده برضوا مايخرب ومايتغير لونه اكيد طبعا لما تكوني تاخذي منه تكون بملعقه نظيفه وناشفه ماهي مبلله
وبعدين عبينا قوالب الثلج بالثوم >>> هذي طبعا فكرتي بعد ماشفتها في عالم حواء
طبعا مو هذي اللي عبينا فيها كانت قوالب كبيره تشيل كميه اكبر وغلفناها بالنايلون حطينها في الفريزه عشان تجمد بعدين رح نفكفكهم ونحطهم في كيس نايلون حق اللحم وتكون بس كل ماتبغى تشيل وحده من الكيس وترميها في الطبيخ
معليش خطوة الفرم وتعبيأة القوالب ماصورتها لأن الريحه دوختني غير ان جات يدي بعيني :11: وطبعا الثوم بطبيعته حار فابعدين غسلتها بمويه بارد وكملت الشغل
رغم ان اول ماخطرت على بالي الفكره على طول قمت جبت جوالي وبدات أصور لان بصراحه وبدون مجامله عالطول جيتوا ببالي ولكثرت مواضيع الفرزنه هالايام عشان رمضان قلت يسهل عليكم وتوفروا وقت
إن شاء الله حبيتم فكرتي وماتطلع قديمه ونالت على رضاكم
ودعواتكم ورمضان كريم قبل الزحمه وان شاء الله يبلغني وإياكم رمضان وإحنا بتمام صحتنا