ياقلبي راح اعطيك الفرق بين الاثنين وانتي ومزاجك

الرخام الصناعي او الجرانيت الصناعي حلو من الناحيه الجماليه لانه يجيك قطعه وحده ماله اي فاصل بعكس الطبيعي كل متر وخمسين سم تقريبا لازم فاصل وتلصق الفواصل بالصمغ

منه انواع فيه الصبه وفيه القشره وبكل سهوله راح ينغش اي عميل ما عنده فكره والسعر يختلف وحسب معلوماتي افضلهم الصبه

مهما كانت نوعيه الرخام الصناعي وجوده وغلا سعره الا انه مستحيل تقدرين تحطين عليه اي شي ساخن جدا من الفرن

وانا اذا بتكلم عن نفسي فبصراحه اذا عندي عزيمه مالي خلق اقعد احط وقايات ومناشف على كل قدر ولا صينيه اطلعها من الفرق

الرخام او الجرانيت الطبيعي صار السوق للاسف مليان من النوعيات السيئه الي لها مسام واسع يعني تاخذين قطعة ارخام وتحطين عليها نقطة مويه ولا زيت ولا صلصل تجين بعد نص ساعه تلاقين الرخام شرب النقطه وبقع

فافضل شي لازم تجربين القطعه بنفسك وتاخذينها معك لبيت


بالنسبه لي انا استخدمت في مطبخي رخام طبيعي معالج صناعيا اخترت رخام لونه ابيض وهو معالج صناعيا وشايلين كل التعريقات السودا الموجوده في الرخام الطبيعي

جودته ممتازه جدا وشكله كانه صناعي الا الي راح يدقق كثير فلي الفواصل لانه مثل الرخام الطبيعي طول كل قطعه تقريبا متر ونص

سعر المتر الطولي ب 300 ريال

اتمنى منك دعوه لي ولعيالي في ظهر الغيب لو حسيتي انك استفدتي من الكلام الي كتبته لك

رفع

الراسية الله يحقق امانيك ايو والله كفيتى ووفيتى الله يسعدك ونعم الاخت
طيب تعرفين اسم نوع رخامك او محل بجدة لاهنتى

ماهو زمنها الله يرفع قدرك

بدووون اي حيرره اختي توكلي على الله واخذي الصنااعي له طبقه وحده وتجي معه المغسله واجمل واترتب..ان كان على الساخن حطي وقايه له ماايحتاج له تعب
الطبيعي مافيه ولا جمال وشكل الصمغ يشوه المنظر واذا تبغى تحطي المغسله طبيعي بيكلف اكثر
اناا عندي مغاسله الي يعزك الحمام في قسم الحريم طبيعي والله ندمت لما احط كوب يجلس مكانه يعني من ناحيه الجيد والردي صعب تعرفي
ووالله يوفقك

8
8
مشكورة ياقلبى على النصيحة الله يجزاك خير