ردا على مقولة ليش الحرمه تصبر على كل شي بعكس الرجل
السلام عليكم ورحمة الله وبركاته اخواتي الحبيبات امس قرئت مشكله لاءخت لنا عن خيانة زوجها لها وتبغى حل يساعدها :44:ووحده جزاها الله خير قلتلها اصبري لاتستعجلي في حكمك على زوجك لحد هنا تمام :)الرد الثاني لاءخت اعترظت على نصحنا لها بالصبر وقالت ياترى لوالزوجه اللي خانت ايش بيكون موقف الزوج منها اخواتي الحبيبات اسمحولي اتكلم براحتي معاكم كلنا بحواء خوات ونتناقش بهدوء بلا عصبيه وانفعال ماشي اتفقنا:):)قبل كمشهر قرئت في هالقسم مشكله وحده خانت زوجها وكشفها الزوج وطبعا لافضحها ولاشي فقط رجعها لاءبوها وقالها قولي انك انتي ماتبيني عشان مااحد يعرف قصتك والله يسترعليكي ماشاء الله موقفه جدا عجبني يمكن طلقها اولا انا ماعرف بس يكفي انه ستر عليها ويكفي ما مد يده وظربها واكتفى بالاءنفصال عنها وهذا يكفي عقاب لها خواتي ادري بتقولون ايش تبغى تقول هذي :(بنات الصبر ذكره الله سبحانه وتعالى قبل الصلاه لماله من اهميه قال تعالى واستعينوا بالصبر والصلاه صدق الله العظيم اخواتي اقسم بالله ان فيه رجال مايتعاشرون وبصبر من الزوجه وايمانها بالله تغير 180 درجه ونالت ثمرة صبرها وتوكلها على الله وبقولكم قصه لوحده اتصلت على برنامج ديني وتكلمت عن حكايتها مع زوجها وصبرها عليه مع انه مدمن وتاجر مخدرات ولا اخلاق ولا دين واحتسبت الاءجر لوجه الله وصبرت وحكم على الزوج بالسجن والاءعدام وكل الناس تركوه وتخلوا عنه الاهالزوجه اللي كان معذبها وموريها الويل مانسيته يوم واحد تزوره وتوصيه بالصلاه والدعاء وقراءة القرءان وطبعا ثمرة صبرها ان الزوج حفظ القرءان كامل والتزم واصبح امام مسجد واخرج من السجن بسبب حفظه للقراءن وكانت متئثره وتبكي من الفرح والسعاده التي نالتها بصبرها وايمانها وقصه ثانيه لقريبتي زوجها كان يعاملها اسوء معامله سب وظرب وترك صلاه وخيانات وسفر والكل كان يقولها ليش ساكته ومتحمله حتى اهلها زعلومنها وكانت ترد عليهم ان الله ماابتلاني بمرض لالنفسي ولابئبنائي ويمكن يكون هالزوج ابتلاء لي من الله فليش اقفل باب الصبر والاءجر والله يابنات كانت ساكنه ببيت كلمة متواضع قليل فيه وحالتهم جدا صعبه كان جدا بخيل وتعامله صعب ومع الصبر ولاءحتساب اقسم لكم يابنات معيشها بفيلا دورين وجابلها خدامه والذهب من راسها لرجولها غير الحب والتقدير والاحترام وقبل كل شي عرف حق الله يصلي ويصوم ويتصدق ومعيشها بنعيم ماشاء الله تبارك الله عشان كذا ياخواتي نوصي بعضنا ونقول اصبروا اصبروا وبتشوفون نتيجة صبركم ان شاء الله بس المهم الوحده تغير من نفسها بتقربها لربها موبالليالي الحمراء والصفراء والشموع والاءغاني لايبنات الشيخ عبدالمحسن الاءحمد قال كلمه ايقظت الكثير من اللي سمعها وفهمها قال يااختي اصلحي مابينك وبين الله يصلح مابينك وبين زوجك يعني لاتجلسين معاه عالاغاني والاءفلام والمسلسلات ويظيع وقتكم في حرام ابدئي بنفسك ياحبيبتي يشهد الله اكلمكم من قلبي لاتسمعوا اغاني لا تعصوا ربنا لايظيع وقتكم بالمولات والمجمعات اقعدي ببيتك حاولي اذاعة القرءان ماتنتهي من بيتك اسمعي انتي وزوجك برامج افتاء واستشارات غيري نفسك تقربي لربك بصلاتك وبالذات اخرالليل يشهد الله انها تغير من حال الى حال بفضل الله وقوته لاتلجئي للغير وعندك من قلب زوجك بين اصبعين من اصابعه سبحانه ادعيه واستغفري وتئكدي الزوج موملاك هذابشر زينا يخطيء ويصيب مومنزه ولانبي مرسل تمر على كل البشر لحظات ظعف اصبري عليه واتحملي رجعيه لبيتك وحظنك من غير مايحس خليه يتغير من غير مايحس بنفسه حببيه بالبيت قللي من خروجك وطلعاتك شوي ادري اجازه ووناسه بس الفتن اللي برى تخلي الواحد غصب يستقر حبيباتي هالكلام موجه لي قبل الكل ولخواتي ولكل من تحس انها سريعة الغضب من زوجها لوحصلك موقف منه زعلك اوعرفتي بخيانته ليكي لاتتسرعي بالحكم ولاتسمعي لشيطانك ولاللي ماهي عايشه قصتك ولاتعرف ظروفك الجئي لسجادتك وصلاتك وربك فهو ارحم بك من امك حبيبتك فضفضي علينا ونفسي عن نفسك بس خذي اللي يريحك ويرجع على بيتك وحياتك بالراحه والسعاده والباقي خليه بصفحتك لاتكرري قرائته ابدا فقط ادعي بالهدايه والتسخير لزوجك تراهم مغلوبين على امرهم ويكفيهم خروجهم من البيت بهاالحر والرطوبه والشمس اللي حرارتها وصلت 50 ويكفيهم ديون واقساط واجارات خليكي ياقلبي عون لزوجك لاتكوني عليه اعطيه حب وحنان زي ولدك ولاتنتظري منه بسرعه يعاملك بالمثل لاتزعلوامن كلامي والله احب الخير لكم واحزن لمااقرء مشكلة اي وحده مع زوجها واكتفي بالدعاء لها دون الرد وبعضكم ياخواتي ترفق علينا بردها ماندري عن ظروف بعض عشان مانتسبب لبعضنا بزيادة الاءذيه والمشكله بدل مانهونها ونحلها سامحوني يمكن ماكون مرتبه الكلام بس مستعجله شوي وعموما اسئل الله العظيم ان يسخركل زوج لزوجته وان يصلح مابينهم ويؤلف بين قلوبهم يارب العالمين واللهم بلغنا رمظان في اتم الصحه والعافيه وارزقنا واكتب لنافيه عمرة مباركه وختمة الكتابك العزيز اللهم اميييييييييييين من ارتاحت لكلامي تدعولي ولزوجي وابنائي بالهدايه والثبات على دين الحق والسلام عليكم ورحمة الله :26::26::26:
23
2K
يلزم عليك تسجيل الدخول أولًا لكتابة تعليق.
الصفحة الأخيرة
وفقك الله ورزقك ماتمنين وهدى زوجك وابنائك ورزقتي برهم وصلاحهم