‏ هذا الي صار لي فعلا اختي تزوجت قبلي وفرحت لها من كل قلبي وتزوجت بعد زواج اختي بسنه لكن ماانسى كلام الناس بس تزوجت صغير خمسه عشر وانا اكبر منها بسنتين

سبحان الله يااختي هذي اختك تعرفين ايش يعني اخت يعني توأم روح يعني انتي و اياها طالعين من بطن واحد

وبعدين انتي لسا صغيره عمرك 28 مو 48 علشان تطالعين في اختك انخطبت وانا لا


الله يرزقك واخواتنا المسلمات الازواج الصالحين

وش فيها لا تزوجت اختي قبلي وربي كاني انا
هذي اختي مو عدوتي حرام يوقف نصيبها عشان نصيبي ماجاء وش هالمعادله العقيمه
طيب انتي رزقك متأخر بالله اختك تنحرم من نصيبها عشان اختها الكبيره بعد ماجاء نصيبها
ياويلكم من الله مفروض الكبيره تكون عقلها اكبر وافهم وش يعني اختي الله يسعدها
بالعكس وربي لاسوي المستحيل عشان زواجها يتم
قال نفسيات قال كلام الناس
بالله وش هالعيشه اللي صرنا نعيشها همنا بس كلام الناس
وش هالاستعباد اللي رضيتوه لكم طز في كلام الناس
وربي مايهزني شعره لكن انتو سمحتوا للناس يتمادوا في تدخلاتهم
خير حياتي وانا حر فيها كل شيء الناس الناس
وربي ماكبرهم غير اللي يلتفت لهم ولنظراتهم
الواثق مايهزه ريح والجامد مايهزه اعصار
ماشاء الله وهي وش ذنبها تنتظر عشان اختها خلاص نصيبها الله يوفقها
انا كبيره وعندي اخوات اصغر مني لكن عمره ماحسيت اني اكون ضد زواج اختي
تصدقون قبل فترة صارت خطبه لاختي اللي اصغر مني ورفضت
قاطعتها اسبوع زعلانه ليش رفضتي ياناس نصيبها
حرام ينقطع عشان عقليات مال امها داعي
طيب انتي بس تخيلي اختك الكبيره وصل عمرها للثلاثين وفوق وماجاء نصيبها
وانتي عمرك حولها ترضين تنحرمين من الزواج عشانها بالله

تصدقون قبل اسبوع صار زواج لبنت اصغر من اختها الكمال لله
وربي اختها الكبيره ايه في الجمال والاخلاق والادب
واختها الصغيره عادي جدا بس سبحان الله جاء نصيبها وتزوجت
واختها جدا عادي وربي وانا صديقتها ماحسيت بنص هالاحاسيس اللي تنكتب هنا

اعوذ بالله اجل وش احساسك للناس الغرب اللي تزوجوا قبلك

بصراحه استغرب من اللي تغار من زواج اختها قبلها

اختي خلوده الحلوه لا تتضايقين

انا خالتي عندها بنتين انخطبت الصغيره قبل الكبيره واهلها فكرو يرفضون مرعات لمشاعر الكبيره
بس الكبيره قالت ما توقفون نصيب اختي علشاني وان شاء الله ربي بيرزقني مثل ما رزقها
تدرين الحين الصغيره مخطوبه لها 5سنوات والكبيره خلال 8شهور انخطبة وتملكت وتزوجت ويمكن حامل
ان شاء الله والصغيره مازالت تنتظر عريس الهنا يتزحزح ويحدد العرس

وان شاء الله يارب تتزوجين انتي واختك بيوم واحد