ان شاء الله تطلع شكوكك مجرد اوهام

انتي غلطتي في شي واحد يا اصاله ليه ما اخذتي جواله وفتشتيه قدامه عشان يرتاح قلبك و تتأكدي من صدقه
لو رفض معناتها شكك في محله
ولو فتحه واعطاك اياه يعني الرجل صادق معك

لكن بعد مافتحي معه السالفه و عرف انك عارفه راح يكون حريص جداً جداً

تقدري تتأكدي بطريقتك الخاصه من غير ماتوضحي هنا
لان فيه ناس مايعجبهم وضع الزوجه المفتحه وعندهم لازم تكون مغمضه ولو شافت شي تسوي نفسها ماشافت ولاعرفت
مع انه الخيانه حتى في الديانات غير الاسلاميه و الثقافات غير العربيه محرمه ويعتبر فعل فاضح
وعندنا الرجل اخذ حريته يخون ويلعب على كيفه ما احد يلومه ، اللوم كله ع الزوجه اذا اكتشفت و قلبت عليه

قبل ايام نزلت عضوه موضوع عن خيانة زوجها وسترها له اللي جرها لخيانته و اكتشفها و فضحها و طلقها وحرمها من بناتها هو رجال عادي يخون لكن هي لا
شفتي كيف مجتمعنا وتفكيره !!

الله يطمن قلبك وان شاء الله تجي تبشرينا انك ظلمتيه واحساسك ماكان في محله

و الله يحفظ ازواجنا عن الحرام

ماراح استغفلك زي البعض
تصرف زوجك فعلا يدل على انه مو مضبوط وراك


لكن قبل تتحركين وتمسكين الادلة
وش بتسوين لو فعلا تاكدتي وش خطتك ؟
اذا ماراح تعرفين تكونين صارمة وعارفة ان موقفك ناحية خيانته ماراح يكون قوي
انصحك ماتدورين

ان بعض الظن اثم

اسوأ تصرف ممكن تسويه الزوجة انها تنبش ورا زوجها
والتصرف الاسوأ من كذا انها تصارحه اذا كشفته فمابالك انك صارحتيه وانتي شاكة فقط؟!


تذكري عزيزتي اذا هو يخونك او متزوج عليك بالسر فحالك افضل بكثير مما لو تزوج عليك بالعلن وقسم بينكم المصروف والمبيت وغيره وهو قادر عالزواج
ترا فلاتحدينه ع هالشي لانه ان كان برئ بيمل من شكوكك ويسويها وان كان متزوج بالسر بيقول انا انكشفت خل اعلن زواجي
والخاسر الاكبر انتي فكل الاحوال

ردة فعله الهادية الي ماعجبتك لانك انت اخترتي وقت هو كان فيه رايق وهاديء ومستعد يسمع ويرد ويطبطب عليك ويظهر حبه ومشاعره
حبيبتي خديها من اخت خبرتها في الزواج اكثر من سنوات خبرتك
انا خالطت في مجتمعي كثيرات منهم وصلو مرحلة الشك ومنهم اليقين ومنهم عايشين على امل انه خيانته تكون كذب
فالله يوفقك لاتدمري نفسك واتركي عنك حجة انا اعرفه وماعرفه
انت لو تعرفيه ماكان شكيتي كان تيقنتي مباشرة

اعيدها لك الرجل لو فراسه خيانه يبااااان عليه مو بتقفيل جوال
اقل اقل شي تحسيه مسفهك ماعاد عاجبه شي فيك لا شكلك لا لبسك ولا حتى طبخك
حتلاحظيه تغيييييير في العلاقة الزوجية
حتلاحظي انه يبغى يتخلص منك في اي فرصة يعني يقترح عليك تروحي لاهلك زيارة او تنامي عندهم كم ليلة اهم شي يفتك منك
هذاااا هو الخاين
اما واحد مقابلك وجالس في خلقتك بس انه قفل جواله شكيتي
يا حبيبتي والله لو اعطيتي للشيطان مجال يكبرها اكثر انت الخسرانه
وقتها يحس بعدم ثقتك فيه ويشوفها فرصة يقول مو هي مومصدقتي وتبغا دليل ترتاح خلاص فرصة جابتها لي على طبق من ذهب
يخون ويلعب ويمكن يتزوج بالحلال
عشان ترتاحي من الشك الي متعبك
الله يهديك ويصلحك