ردت فعلك بكل واقعية

السلام عليكم

ابي ردت فعلك بدون مثالية

لو سواقكم يستفزك بشكل دائم وتطلع منه حركات خطيرة وتصرفات مجنونة يعني شكل فيه مرض نفسي وعقد
يحطها فيك
قاعد يقول لامي ابي اجلس عندكم واروح واجيب واحد بدالي وارجع
لكن معي يستفزني ومره قلت له خلاص رح ونجيب بدالك قل لامي ابي اروح يقوم يقولي انت جيبي سواق
على كيفه الاخ يتأمر
قلت له روح ونجيب قال لا خليه يجي ويقعد معي بالغرفة ويقولي انا بس باقي كم شهر واروح وجيبي سواق
مافيه سواق يتحمل وانا عارف ان السواق الي قبلي راح والشغالة انحاشت
يابنات احنا كنا جايبين قبله هندي سواق وهندي شغالة واكتشفنا انهم على علاقة مع انهم بالسيارة
يبينون لنا العكس انهم مايعرفون بعض حتى تبين انها ماتعرفه ولما يغلط تبين انه غلطان
ولما اكتشفنا انهم على علاقة هاوشهم اخوي والسواق كان جدا عصبي وحصل له موقف مع امي وقعد
يصارخ عليها ويقول انا ابغى اروح - يهدد- راح اخوي كلمه قال خلاص تبي تروح احجز التكت
المهم سفرناه وبعده انحاشت الشغالة
جبنا هالسواق من اول يوم جا فيه يقول ابي اروح والحين حيكمل سنتين ولا راح
ويستفزني يعني رايحة لم حي مااروح له الا نادر واروح يا اما بيت صديقتي ومره رحت لبنك فيه او مستشفى فيه
قلت له يروح للحي هدا وقال وين
قلت عند البنك وعند البيت الي رحت له اول
- انا دائما لما اقوله روح الحي الفلاني يروح عند البنك تلقائي واخر مره قبل شهر رحت معه
اركب السياره اقول روح الحي الفلاني يشغل السياره ويروح
المهم انه مشى بالسياره وفجاه وقف بين مخرجين وانتم تتخيلون مخرجين يعني سيارات سريعة رايحة
وقال يلا وين ااروح قلت روح الحي الفلاني التفت علي وصرخ قال وين الحي الفلاني والتفت مره ثانيه يصرخ
صرخت عليه وسكته قلت حرك السياره لا توقف بالشارع =انا لازلت بالسياره في طريق سريع بين مخرجين =
المهم انه واقف مثل البقره كلمت اخوي وقعد يعطي ارشادات وتعرفون كيف الرجال مع السائقين مايحسون
هو يشغل سيارته ويركب وخلاص غير ان السواق يهتم يغسل سياراتهم لكن السياره الي نركبها مايهمه
فيشوفون سياراتهم نظيفه واقولهم ماينظف السياره يكدبوني ويقولون سياراتنا نظيفه ويغسلها
يعني انا اكدب واتبلى عليه ؟
المهم انه حرك السياره ومشى للمكان قلت له يلا عرفت الطريق الحين
قال انا مافي معلوم وهو ماشي صح بالطريق ثم وصل لدوار وجلس يدور فيه وكلمت اخوي اعطاني الوصف
والله يابنات وصلت عند البنك وهو كان يوديني لمه عند البنك لكن بالدوار الي قبل البنك جلس يدور مسوي نفسه مايعرف قعدنا ندور حوالي ثلاث دورات
لحد ماخليته يوصل ثم جلست اوصف له المكان وجلس يستعبط اقوله يمين يروح يوقف عند المواقف
وبعدين يمشي بشويش لحد ماتصير الاشاره حمرا
المهم علشان ماافقد اعصابي قلت وقف السياره ونزلت والحمدلله كان المكان قريب بالشارع الثاني ورحت له
على رجولي
اخوي بالتلفون كان يسمع مني ويقول هو غلطان
لما رحت البيت جلست اتكلم مع اخوي قعد يقول انت اسلوبك نرفزه وهو عنده تراكمات منك ؟!!
قلت له ابيك تترك السياره ماتسوق وتلبس العباية وتخليه يسوق فيك ثلاث شهور بعدين كلمني
لاحظو اخوي اصغر مني ب 9 سنين ويكلمني كاني اصغر منه
وقعدت اتحيسب وقلت له لو كلامك صح ترجع علي وانا راضية
وانا واثقة ماغلطت معه
انقهرت اني اجي البيت ابي احد اشكي له يهديني اتفق انا واياه كيف نتصرف مع تصرفاته
قعد اخوي يقولي هو مو باسمك باسم امي جيبي سواق باسمك وافعلي الي تبينه
وهالكلمة جرحتني
اني انظلم من السواق ولا قادره اتصرف لانه مو باسمي ؟!! ولا احد يأدبه واخواني مو هامهم
ابيهم يبرون بامي لكن لدرجة اعامل وكاني جدار بالبيت ؟!!
طول عمري مع سائقين المشوار وصحيح ان وجود السواق يريح لكن تطلع منه تصرفات تضرب بالاعصاب
والله احكي تصرفاته لصديقتي تقول انا وانا مو معه مستفزني
تجي عليه مخالفات ساهر ويهاوشونه اول مره بس لكن المفروض ادا تكررت يخصمو منه وهم تاركينه على راحته
امي اليوم الثاني قلت لها ونفس الشي كان موقفها سلبي هي احيانا تهاوشه لكن غالبا تداريه لانها مضطرة له
ةقالت لي انت عندك راتب جيبي لك سائق ؟!!

يابنات انا قررت اجيب لي سائق او احد يوديني وفكرت انو اجيب سياره وسائق من هنا نتفق معه انه يوصل
هل تتوقعوها مربحة ؟
انا خايفه من المخالفات او انو تطلع منه مشاكل

تصرف امي واخوي قهروني نفسي احد يوقف السايق عند حده ويخاصمه