رددي عشر مرات افتح ياسمسم ابوابك والا بتتحولين لعبسي

ردد عشر مرات
" افتح ياسمسم ابوابك نحن الاطفال"
ثم أرسلها لعشر اشخاص,
وباذن الله سوف ترى
عدنان ولينا في منامك.

هنالك شخص أهملها فانقطعت عنه قناة سبيستون
واخر استهزأ بها فتحول إلي عبسي ..........!

كله ولا اتحول لعبسي<<
برسلها لمية مو 10
ههههههههههه


المهم مو هذا موضوعنا
هذي دعابه تخص موضوعنا
الحين مرتفع ضغطي من هالرسايل اللي تجي بالايميل وعلى الجوال
رأيت الرسول بمنامي وامرني ان ارسلها لعشرين شخص
واقسمت عليك ان ترسلها
ان ارسلتها سوف ينفتح لك باب رزق
وسوف تحصل على فيلا
وتصبح مليونير
وتحكم الدوله
وتحصل على المصباح السحري
وتصير ملك زمانك
>>>عاد تراني زودتها شوي
المهم
وان لم ترسلها
تبي تموت بعد كم يوم
وتصير فقير
وتدعسك سياره وتقطعك نصفين
نص يلقونه ونص مايلقونه:32:
>>برضوه شوي تزويد


ومره واحد كاتب لن احللك ان لم ترسلها وسوف اقتص منك يوم القيامه>>:32:
خير تقتص مني وش سويت لك انا
سارق حلال ابوك
كل هذا عشان ماارسلتها
الله يعين اعدائك هذا عشان ماارسلت رسالتك تبي تقتص مني
اللي معاديك وش تبي تسوي فيه يهالنفسيه
انا ابي اعرف وش هالمغزى من الرسايل
هل عشان ياخذ اجر غصب وتحت عامل التهديد
والا من شركات الاتصال عشان الفلوس
والا وش سالفة هالرسايل
عاد انا من القهر اقول والله ماارسلها يالله بس

انتو وش تسوون
وايش تتوقعون الرسايل من وين