فطوم بنت الحروب @ftom_bnt_alhrob

عضوة جديدة

ردوا علي / هل لبسي سبب عدم خطبتي ..معدل

السلام عليكم ورحمة الله وبركاته
أخواتي أتمنى تقولون لي رأيكم لان مهم بالنسبه لي
الحمدالله يابنات أنا ماألبس البنطلون ولا الأشياء القصيره دايما لبسي تنوره طويله ودراعات والحمدالله ماحضر زواجات من دخلت المتوسط لحد الحين بس أسمع كلام من حريم عمامي عن أبوي وأمي أنهم معقدين ولازم البنت تلبس مثل مايلبسون البنات و إذا سيرت عليهم و أشوف اللبس القصير والبنطلون وبعض صديقاتي ولبسهن بعض المرات أتضايق وبعض المرات أقول أشلون ألبس جذي وأنا أبوي مطوع وينصح الناس ويوم تخرجي من الثانويه مسيره علي عمتي وبنتها وقالت قدام امي خلاص الحين خليها تحضر زواجات عشان تنخطب وخليها ترقص وتتكشخ وبنت عمتي عمرها 15 قالت لي ألبسي عاري بالعرس لاتلبسين طويل ترا الناس بالاعراس جذي قلت مااحب احضر الزواجات ولا افكر بالزواج لان ابي اخلص من دراستي الجامعيه وابي شهاده عشان اهلي يفتخرون فيني بس والله يأخواتي أتضايق لقالوا معققدين ولقالو ماتعرف تلبس نفس البنات تكفون ردو علي

يلزم عليك تسجيل الدخول أولًا لكتابة تعليق.

تسجيل دخول

كل الحياهـ • 11 سنة

ماعليك من كلام الناس تغضبين رب الناس عشانهم
شي ثاني انتي لازم تحضري الزواجات مو لازم ترقصي بس اذا ماطلعتي للناس كيف يعرفوا ان عند ال فلان بنت

شموخ أرملة • 11 سنة

الله يثبتك عزيزتي انت صح طالما نيتك سليمة الله بيرزقك احسن من نيتك
خليك لابسة ساتر بس بانااااااااقة تبين جمالك وعمرك الحقيقي
اقصد الستر مو يعني اللبس المبهدل والغير مرتب واللي يطلعك كبر جدتي
ترى اللبس الساتر اناقة وجمال ودليل الرقي الفكري
خليك ع البلايز والتنانير وابتعدي عن الدراعات شوية
يارب تكوني فهمتيني

عليا المطير • 11 سنة

مشالله..

ترى الستر نعمة الله يديمها عليك نعمه..وغيرك كثير محرومات من هالنعمة

وابشري بالخير يااختي

ربي راح يكرمك برجل صالح يقر عينك ^_^

حاولي تكونين ذويقه بإختيار الالون وكيفية تنسيق اللبس ... ترى مو شرط لازم اتفسخ عشان اصير حلوة....

انتي تقدرين تصيرين ملكة جمال وانتي ساااااااااااااترة ومحتشمممممة لكن رتبي لبسك وخلي اللبس قد عمرك ويبـــين شبابك

موفقة

سعوديهـ ذوق • 11 سنة

حبيبتي عشان تجارين بنات جيلك مو لازم تلبسين عاري ..

فيه اشياء ذوق وشبابية وساترة ..

بعدين الجلابيات ماانصحك فيها .. حرام انتي في عز شبابك ..

اللي مثلك تتمتع باللبس والجلابيات للحريم الكبار والمتزوجات ..

احس ماتنفع للبنات ابدا + تكبر الوحده بالعمر .. ادري المناهضات للجلابيات بياكلوني بس هذا الواقع ههه

بالنسسبة للزواجات انتي مو مجبورة تحضرين زواج اذا ماتبين ..

ورزقك بيجيك لو انك مسكره عليك باب غرفتك ..

بعد التعديل .. للمعلومية ارقى واغنى نساء العالم اذا ظهروا للاعلام تلاقينها مستره راقية ..

عكس بنات الليل تلاقينها تظهر اكثر مماتخفي من جسدها .. لان لحمها رخيص ..

شموخ أرملة • 11 سنة

واحب اذكرك بعض الامهات يدوروا لاولادهم البنت المحتشمة في لباسها وتطيح من عينهم العارية
الله يثبتك
وتذكري من ترك شيئا لله عوضه الله خيرا منه