ردودي على موضوع زاروني صحباتي

السلام عليكم
معليش حبيباتي اتأخرت عليكم
على فكرة انا سويت الردود بموضوع مستقل
عشان ما تتعبو تدوروها لأن ماشاء الله على مرور البنات وردودهم شي يفرح
ووصلت عدد الصفحات 5 الله يزيد ويبارك


اول شي اشكر كل وحدة ردت على موضوعي
وكل شي شفتوه تعلمتو من دا المنتدى الله لا يحرمنا منو


الاخوات : جبل قطن ونهاد 44 والوتد الدامي
سألتوني عن كاسات العصير
مرررررررررة سهلة
جيبو صحنين صغار مسطحه
حطو بواحد نص ليمونة وقطرات من الفيمتو المركز والثاني سكر خشن
اقلبي الكاسة اول شي فوق الفمتو والليمون وبعدين فوق السكر
بس انتبهو بشويش عشان ما يعدم الفمتو الكاسة
وبعدين حطي الكاسة فاضية بالثلاجه راح يلزق السكر بسبب برودة الليمون


الاخت alfrah83
طريقة حشوة فطاير الدجاج بالخضار
شوحي البصل بقليل زيت ولما يذبل ضيفي عليه ثوم مدقوق
وحطي بهاراتك ( ملح وفلفل اسود وكمون والفلفل الحمر " الاوريجيانو " )
بعدين حطي الدجاج ( اسلقية اول وبعدين فتتية )
ونص كيس من الخضار المجمدة
واتركيها عشر دقايق على النار مع التقليب
وانتبهي حبيبتي لا تحشي الفطاير الا بعد ما تبرد الحشوة


الاخت الزورق الهارب
انا اخذت طريقة الكيك من دا المنتدى
بس والله ماني فاكرة مين صاحبتها واسم الكيكة كيكة الشاعر

والطريقة والمقادير :
استخدمت الاخت علبة اللبن الزبادي عشان تقيس المقادير
علبة لبن وعلبة سكر وعلبة زيت وعلبة مويه
وواحد فنجان حليب بودرة تجطيهم في الخلاط الكاس
وبعدين تنقصي من الخليط مقدار علبة للزينة
اما باقي الخليط حطية بزبدية وضيفي علية بيضتين واخفقي بخلاط الخاص بالكيك
بعدين ضيفي عليهم كاسة دقيق منخول وملعقة بيكنج باودر وكمان اخفقي
بخلاط الكيك
وحطيها بالفرن
ولما تنتهي حطي عليها الخلطة اللي شلتيها اول
وزينيها بزينة الكيك


الاخت اجمل نساء الدنيا
العجينة اللي دايم استخدمها هي عجينية الاخت هواجس
الله يعطيها العافية مررررررة طعمه وزي القطن
ولما تحشيها ادهني الوجه بيض ورشي سمسم او حبة سودة


الاخت ام حمتوو
الله يحيكي ياقلبي البيت بيتك

الاخت جل وخل المعمول من راعية البل
اللي حاطه صورته بتوقيعها
على فكرة يا راعية البل سويتلك دعايه على معمولك
عند الاهل وبالمنتدى
الله يجزاكي كل خير

الاخت ام يوسف
والله صادقة ما صورت الشاهي مع انها حفلة شاهي
اعتذر من الاستاذ شاهي على التقصير