ردود الإتيكيت والمجاملات الإجتماعيه خلونا نستفيد من تجاربكم

فعلا كل موقف له رد

غالبا انا اتبسم وأشير بيدي بختصار>>بس بس ما ابغي

مع كلمتين عاد على حسب

اما تسلمين او ماتقصري او شكرا حبيبتي ثم اكمل اذا اكل اقول

عافيه على قلبك
وذا شئ حلو اقول من ذوقك او مقدم مايغلي عليك
والحمد لله الكلام رخيص

بس انا شخصيتي ما امدح كثير ابدا ولا اقول لاي احد كلمه ((ماتقصري))
لاحس ما اقولها الا لناس تستاهل

فهمتوا

اوزن عبارتي زييييييييين واعرف متى اقولها واحيانا فقط اقول شكرا

يعتمد حسب الموقف.. انا ما احب احد يلزم علي بالاكل..

اقول لها شكرا رجيم عشان تخليني بحالي

اذا مدحتني .. عيونك الحلوه .. مقدم.. ما يغلى عليك

اذا عاتبت انقطاعي.. والله الدنيا تلاهي و انتي عارفه ظروفي دراسه وشغل ((عندي مبرر قوي بصراحه))

اذا مدحت شغلي او شي سويته.. ابتسم واقول لها الله يرفع قدرك كلك ذوق

اممممم طبعا هلااشياء تعلمتها على كبر من مراقبة الناس

انا دائما على لساني يا قمر
ياقلبي
يا عمري
حبيبتي
شكرا ((على كل شي واقولها اكثر من مره))
طبعا اذا ثقلت بالكلام او مزحت بشكل ما عجبني .. اقول اسفه على كلمتي كذا.. هالشي يريحني طبعا لاني ما ابي اخسر احد بسبب زلة لسان

مشكلتي لحد الحين اذا دخلت زواج تجيني سباهه .. يعني انسى انا على مين سلمت و مين ما سلمت عليه
و اكون فيني طاقه و انفعاليه كثير مدري ليه

رفع

مشكورين لكل من ساهم بكلمه في الموضوع وياريت نستفيد من هالتجارب..لان فعلا في نقص في الكتب إللي تعلم هالشي أنا دورت وما لقيت فيا ريت نتساعد...

rlksa ههههههه حلوة سباهه ههههه بجد ضحكت بقوة لانها تصير مرات..........
لا مره جتناو حده زيارة رسميه مدري وش سالفتها هالانسانه
قلت لها وجهك مألوف كثير
قالت هي و اللي معها بوقت واحد
الله يسلمك عيونك الحلوة
ههههههههههههههههههههههههههه
مدري وش ذا الرد... عاد انا تنحت شوي شكيت بنفسي
و الموقف مو حق اني امدح فيهم صعبه لوووووووول مت من الضحك ذاك اليوم