borbolita @borbolita

محررة برونزية

ردود مٌستفزة ../ استوفى الرد

النوع الاول
ودي ادخل مخ هالعضوات اللي يردون باسلوب همجي و همها تناطح كنها داخلة حلبة مصارعه ولا مسويه انا القوية و اثبت نفسي بكل موضوع . و لو بكيفي اعددهم بس انا عارفتهم وانتم بعد عارفين 😂
النوع الثاني اللي يقالك ع قولة الكويتيين ( مجهّز الدوا قبل الفلعة ) 😂 يعني وحده تشاور ولا تسال عن شي هديه ولا مفاجاءه تبي راي الفاهمات تجي تقولها بكره يتزوج عليك و بكره و بكره اوك درينا الرجال مافيهم امان و متى ما طراله يتزوج بس لازم تنكدون ع الوحدة يمكن مابينهم شي و متصافين الحمدلله و يمكن تبي تعيش حياتها و لكل حادث حديث 😕
النوع الثالث () اللي ماتعرف تنصح يعني وحده تطلب مساعده منكم ولا عندها مشكله تبي حل تجيك اللي مسوية فاهمه بجنس ادم يعنني بتفلسف
( سوي ولا بيدور غيرك تسوي له ) يعني فوق همها تجيبون لها الهم زود 🤕 طيب هي شايفه انها مقصره او عندها مشكله بموضوع مّا تبي منكم الفايده
النوع الرابع و هو اخطر نوع اللي شفت لهم ردود كثير ( وسيعات الذمة ) كل الرجال يخونون كل الرجال يكلمون كل الرجال يطالعون .. والله مسكينه تحط بذمتها كل الرجال كذا انا ما ابرّيهم ولا اتهمهم بس ترى بعضهم مطاوعه و بعضهم عيال ناس و بعضهم عندهم وازع ديني و بعضهم ماله بهالامور ، مثل مافيه حرمه تخون و تلعب فيه حرمه ملتزمة و تخاف ربها و لو الظروف تهيأت ماراح تسوي الحرام ؟ الرجال فيهم كذا بعد
يا حلوات ترى الكلمة الطيبة صدقة و لا تشحنون النفوس على بعض ، ولا تكرهون الحرمة بزوجها وهي ما بعد شافت منه شي ، فيهم الخير بس للاسف الغالب من النوعيات ذي و الله يكثر خير كل وحده ترد بادب و فهم و حكمة و الله يقلل النوعيه ذي اللي بس تغثك 😬

هذا الموضوع مغلق.

borbolita • 6 سنوات

ألـوان الورد~ :

لا يمكنك مشاهدة هذا التعليق لانتهاكه شروط الاستخدام.

يعطيك ربي ع قد نيتك ، وانا بنظري كل وحده تحتفظ نصيحتها اذا شافت انها بترد باسلوب ( اهبل ) الله يحفظ لك كل غالي و يسعدك و يسعد اهل بيتك و الله يكثر من امثالك

سكرة بنوتات • 6 سنوات

ايوة استغربت من اللي قالت اهديه و بكرة يتزوج عليك
وش دخلك بينها وبين زوجها
هي حرة و مرتاحة بحياتها و اكيد مابتهديه الا انها تحبه وهو مو مقصر معها بشي وتشوفه يستاهل
لكن بعض الحريم تشوف ان حياتها جحيم لايطاق مع زوجها و ودها ان كل الحريم مثلها

$بنت الشيخ $ • 6 سنوات

صحيح وبعدين الوحده اذا كتبت هنا جايه المسكينه تفضفض ويتلقى هجوم وردودهمجيه ياليت الي ماعندهاردلائق ما ترد لان الوحده فيهامايكفيها اتكلم انا عن النفسيات

ماابي احفظ • 6 سنوات

جيتي على الجرح
انا تكلمت في مشكلة مرة مزعجتني
و اللي حصلته شماته و سبسبة على كيف كيفك
وفوق هذا دخول بالنيات و انتي قصدك وانتي قصدك
ماقول الا حسبي الله و نعم الوكيل
عاد انا عضوة قديمة المفروض لها احترامها
لو عضوة جديدة قلنا يمكن من كثر مايطلعون لنا اللي يالفون
بس عضوة قديمة ما يحق لك تدخلين بنيتها
ولا يحق لك تكذبينها و لا يحق لك تجرحينها بابشع الالفاظ

$بنت الشيخ $ • 6 سنوات

ألـوان الورد~ :

لا يمكنك مشاهدة هذا التعليق لانتهاكه شروط الاستخدام.

منهي تعالي علميني خاص امزززززح اي والله بس اناملاحظه فيه كم وحده انا اذا جيت اكتب موضوع صرت اتردد ونا عضوه قديمه كنت اذا كتبت موضوع راحوا يزايدوني بمواضيعي الأخرى حسبي الله ونعم الوكيل اما انتي الوان الورد الله يكثر من امثالك دايم ردودك راقيه ومحترمه الله يسعدقلبك😗