ردود و اسلوب بعض العضوات .....

السلام عليكم كيفكم
الله يبلغنا رمضان وحنا واحبابنا باتم صحه وعافيه وقرب من الله
انا كنت مشتركه زمان بحواء
وكان الاسلوب جدا عادي صحيح يحتد النقاش لكن مااذكر مر علي سب وشتم وقذف
الان انا عدت للمنتدى من شهور قليله وحطيت مشكله كانت تصادفني والحمدلله لقيت الردود من خواتي ودعوت لكم كلكم ... لكن بين فتره وفتره اقرى ردود يكش لها الجلد في مواضيع عضوات
سب شتم كلام بذيء قذر
ماراح اقول وين المشرفات
لكن الي يتكلموا كذا كيف انتم نساء كيف انتم امهات اخوات
هل المستوى الاخلاقي انحدر
محد يتكلم ويدخل بحوار الا ثنتين يتشابكوا وتعالوا اسمعوا الاسلوب عاد
في موضىوع كانت حاطته وحده تشتكي من زوجها جتها وحده تتشمت وبينهم مشكله قديمه وصاروا يتلفضوا على بعض 😳😳بشيء ماينقال صراحه
واليوم قريت موضوع وحده عقب ردت وحده واتهتما بالجهل بعدين صاروا يتهاوشوا ويله كش روحي والثانيه تقول ياغبيه ياجاهله يامتخلفه
وش ذا بنات
ولو احد يسالهم امدحوا انفسهم واخلاقهم
مافي اخلاق دام ردودك كذا
ولا قيم عمد وحده تتلفظ بالفاظ شوارعيه
عيب وحرام ولا يجوز
احد استفزك قولي الله يسامحك وطنشي او ناقشي بادب حتى لو كنتي معصبه سب شتم الفاظ ماتسوى تدل على تفاهتك وانك حتى رد ماتعرفي تردي
وسلامتكم