> ردوووود بعض الأخــوات الجــآرحة هداهــن الله <
السلام عليكم ورحمة الله
اخواتي بنات عالم حواء
كلنا عارفين ان هذا المنتدى فيه الكثير من المواضيع والخبرات اللي ممكن تدعمنا لشيء افضل واللي نستطيع من خلالها
مشاركة بعضنا في تبادل الآراء والأفكار والتجارب من غير مانكون عارفين بعض معرفة شخصية
انتي داخله هنا بمجرد ( اسم مستعار ) بغرض الافادة والاستفادة وليس لشيء ثاني تعملينه هنا من فوضى ومضايقات لبعض عضوات المنتدى
استغرب من بعض الاخوات الله يهديهم يوم تجي وحدة مسكينة تعرض مشكلتها لتجد الحل عندهم وبدل ماتلقى الحلول تلقى مصايب ثانية !!
ليه يابنات عيب عليكم والله مو لها الدرجة تطيحين الميانة وتبدين تستلمينها تهزيء وتنسين تضعين الحل
ترا هذي اللي حطت مشكلتها ماهي اختك والا بنتك عشان تقومين عليها كذا ..؟
حتى لو كان اسلوبك كذا مع الكل انا اقترح عليك انك ماتردين وهذا الافضل لك لان هذا مو منطق ولا هو حل بالعكس هذي سلبية
بعدين نسيتي قول الرسول الكريم ( قل خيرا والا فصمت )
خلاص اذا قرأت المشكلة أو الموضوع وماعرفتي تساعدين صاحبته بحل او تجربة ( لا تجرحينها بكلامك ) وافضل انك تدعين لها احسن لك ولها
قولي الله يصلح شأنك . الله يكون بعونك .
ولا تزيدين وجعها بردودك القاتلة
والله اني انصدم من ردود البعض ومعليش يعني احيانا احسها بس داخلة تضايق راعية الموضوع ويمكن حتى ماقرت !!
قبل كم يوم دخلت موضوع هنا بالقسم لمشكلة وحدة من البنات وقعدت اقرأ الردود لقيت وحدة كاتبة لها
(( انا حاسة ان الموضوع فيه ان )) !!
ليه ياختي اتوقع البنت مهيب فاضية لها الدرجة عشان تألف لك قصة وتعرضها في المنتدى المشكلة واضح ان البنت صادقة لانها كاتبة والله يابنات
ومن حلف بالله فصدقوه
برضوا مرة قرات لاحدى الاخوات قصة حياتها مع السحر وكيف كانت معانية منه
وجيت برد لقيت اللي قبلي كاتبة
(( استغفري ربك لا تتهاونين بها الشي حرام تكذبين ع البنات )) >> الكلام مو بالنص لاني ناسيته بس مضمونه كذا
يعني بالله فكروا معي بالعقل من اللي بتتبلى على نفسها وتقول انا مسحورة وانا وانا ...!!
ترا احنا كبااااار عن هالكلام وكباااار عن هالتعليقات السخيفة وحتى لو قلتي انه ممكن تكون اللي كاتبة المشكلة بنت صغيرة
فانا اقولك مستحيل تكون بنت صغيرة واسلوبها كذا بعدين الاسلوب يبان اذا كانت عارضة المشكلة بنت كبيرة او بزر ..
وفيه اخوات يدخلون يتهاوشون كأن البنت كتبت الموضوع للهواش
مثلا يكون فيه اختلاف في الاراء او الافكار وتجيك الثانية تقتبس وتهاوش واخر شي تطلع وماترد بس في راسها هواش
حبيبتي اذا عندك مشكله نفسية او حاسة انك معصبة شوي تكفين لا تفتحين المنتدى بكبرة لين تروقين
اما انك تدخلين الموضوع وتنسين نفسك معليش هذا مو ذوق ولا اسلوب
(( اللي ماقد شافت مثل هالمواقف ممكن تدخل قسم الاسرية وقسم الاجتماعية تراه مليااان من هالاساليب ))
برضوا اللي تأثث غرفتها او مطبخها وتصورة المسكينة وهي مستانسة وتنزلة بالمنتدى عشان تشاركونها فرحتها وتطلب آرائكم وتجيك وحدة داخلة عرض وتكتب
(( مو حلووو ))
خير اختي ترا فيه اسلوب ارقى من كذا وبعدين تراها شاريته ومركبته وخلصته هي بس جاية تفرحكم معها ماقالت حلو والا اغيره :mad:
انا اعرف ان الناس اذواق بس برضوا الناس لها اساليب في الكلام اذا مو عاجبك اثاثها ويدك تاكلك لازم تردين
اكتبي لها دعوة حلوة ( الله يهنيك فيه ) .. ( الله يعطيك خيره )
احسن لك من النقد المباشر وبعدين لا تنسين اذا دعيتي لها الملائكة تقول ولك مثلها وتكونين كسبتي شيء حلو من المنتدى احسن من ماتكرهين خلق الله فيك
بعدين الشي الغريييب اني لاشفت الرد مدري وش يبي اروح افتح ملفها الشخصي والاقيها للأسف كبيرة وعاقلة وانصدم اكثر
انا اقترح ع المشرفات يسوون دورة لتعليم الردود صدقوني رح نستفيد منها كثير وخاصة اللي للاسف ماتعرف ترد
اخواتي اتمنى اكون قدرت اوصل لكم الفكرة واتنى تستفيدون من موضوعي
واترك المايك لكم :27:
هـــدوء ّ~ @hdoaa_37
عضوة فعالة
يلزم عليك تسجيل الدخول أولًا لكتابة تعليق.
موضوعك رائع مثل روعتك ربي يحفظك ويسعد قلبك ..
والكلمة الطيبة صدقة ..وإذا ما عجبنا الموضوع تجاوزناه ..
لك الشكر والتقدير ..
والكلمة الطيبة صدقة ..وإذا ما عجبنا الموضوع تجاوزناه ..
لك الشكر والتقدير ..
عسل وكيك :
لا يمكنك مشاهدة هذا التعليق لانتهاكه شروط الاستخدام.
هههههههههههههههههههههههههههههه شكلك مقهوة مثلي
ماعندك مشكلة فضفضي هنا حبيبتي
تدرين اللي يقرني اكثر اللي تدخل تحقر صاخبة الموضوع وتطلع
زي وحدة عارضة مشكلتها والثانية ترد عليها
يالييييل السخافة
انا صار وجهي كذا :angry2:
مدري عن صاحبة المشكلة وش صار فيها بعدها
نووورتي ياعسل :26:
ماعندك مشكلة فضفضي هنا حبيبتي
تدرين اللي يقرني اكثر اللي تدخل تحقر صاخبة الموضوع وتطلع
زي وحدة عارضة مشكلتها والثانية ترد عليها
يالييييل السخافة
انا صار وجهي كذا :angry2:
مدري عن صاحبة المشكلة وش صار فيها بعدها
نووورتي ياعسل :26:
الصفحة الأخيرة
الله يهدي الجميع