الله يصلح قلبك بعد كل اللي كتبته بموضوعك هذا والموضوع اللي قبله ولسه تسألين اذا اشوفه كفو ؟
انا اساساً قلتها لك صريح علني بموضوعك السابق هذا الرجال مو حق زواج ولا عنده جديه وماخذ البنات تسليه ولعبه بحياته وانتي العلاقه التصبيره اللي يجاكر بها عشقه القديم واول ماتزين اموره بيشوتك ويتخلص منك مع كامل الاحترام لك وللاسف انتي بالنسبه له سهله متى ماحب يسحب عليك ومتى ماحب يرجع لك وانتي تقبلين ومتشفقه على الرجعه ومانتي شايفه انه يتلاعب بمشاعرك ويستغلك
ومافي شخص عاقل ناضج ناوي على الزواج ومختار بنت خاطبها وبنفس الوقت قلبه متعلق بعشر بنات غيرها يجري وراهم ومتعلق فيهم !
لازم تصحين من الوهم اللي انتي فيه ونعم انتي معميه بصيرتك بالعشق ومتعلقه فيه ورغم بلاويه واهانته لك لازلتي مستمره معاه
ولو انا مكانك اسحب عليه خلاص علاقه مالها بصيص أمل تنجح وتستمر وحتى لو دعستي على كرامتك وتقبلتي بلاويه وخياناته وكملتي معاه والله ثم والله مصيرك معروف ماراح تطولين وكل محاولاتك لانعاش هالعلاقه التعبانه مجرد مسكنات مؤقته لان الاساس فاسد ومتهالك مصيره ينهد فوق راسك وتطلعين خسرانه فالاولى والافضل تطلعين بكرامتك وتصبرين على الالم شهر شهرين الى ان تنسينه وتتخطين مشاعرك

طول مانتي تراقبي مابتعيشي مرتاحة
كل شخص تدوري وراه او يدور وراك بيلقى اللي يغثه لان مافي شخص كامل
في أشياء تبقى في قلوبنا ومالها مكان في حياتنا أنتي بتظلي تدوري ورى كل شخص ماغيرك بيتعب..واحيانا يمكن يفهم شيءغلط 
ممكن في أشياء مايقدر الانسان الوصول لها او ماوده يوصل لها بس مهووس بها مثلها مثل مجلة يحبها اكله يحبها مجرد شيء عادي يتابعه وممكن مايدري عنه...ومدام يخفيه عنك فهو غالبا لايخصك ...ولايجي ع بالك ان الرجال مثل النساء عاطفيات ترى أغلبهم يراقب ليحلل الأمور ويتابع الاخبار اوينتقم مو لأنه باقي يحب.
وبالاول والأخير كل وحدة ادرى بشخص معها وش هو المؤمن قلبه دليله.

هم الرجال كذا يحبو. اللي تفل عليهم وتطلعهم من حياتها ممكن يظل يدورها أما اللي تحترمهم مايحط لها قيمة واجد مثل اللي دعسته يظل يشتاق لها لانها ماعطته فرصة وقللت من رجولته وكله بسبب بعض الامهات انت الكل يتمناك فظل الثقة عندهم عالية ..وهو ماغير الهبلة تصبر عليه..واللي تسأل زوجها عن الماضي ترى تقلل من ثقتها بنفسها عنده يصير بعدين يتكبر عليها لان يشوف لإنها غيورة وتحس بنقص.
كلهم يحبو صعبة المنال سوي نفسك ماتدري عنه ولاتلزقي فيه شوفي يشتاق او لا
وبلا وينك ماوينك وش نسوي مين هذي ضايفها تطنيش كبر راسه اللي تهتم بهم واجد وتحقق ترى مايحبوها لازم تسوي كذا عشان تجذبي اهتمامه وقتها يمكن يفكر ليش دفع مهر وتزوج وحدة كذا صايرة ماتهتم له ويعاتبها.
بالإضافة الى انه إذا هالشي مافرقت معاه فكري وقتها ممكن عنده وعنده اللي شسمه.
والله اعلم انوزوجك حديث الخروج عن علاقة سابقة وتزوج على طول ؟
ومدري إذا تقصدي طليقته والا هو راعي علاقات وكذا إذا راعي علاقات غير شرعية اغسلي يدك منه ..اما يتغير الا من رحم ربي.