رديت على ام زوجي وبرايكم هل ردي عليها في وقاحه ؟؟

مرحبا بنات
شكرا لكل وحده فتحت موضوعي
والف شكر مقدما لكل وحده بتنورني برد
بقولكم السالفه بختصار


عندي اختي متزوجه لها 3 سنوات وربي مااعطاها ذريه
ربي يرزقها وكل من يتمنى يارب
وماشوف ان ثلاث سنوات كثيره
وام زوجي كل جمعه لنا مع سلفاتي تقولي عندهم كلهم
وراها اختك فلانه ماحملت ماتروحون تشوفون لها صرفه تراه الطب تطور والعمر يجري
وكل مره ارد عليها واقولها الله كريم ياخاله كلشي بيد الله لاتنسينها من دعواتك
وكل جمعه لنا فوق العشر جمعات وهي تعيد نفس الجمله
وراها اختك فلانه ماحملت ماتشوفون لها صرفه
ماعندها الا طاري اختي واسلوبها وهي تتكلم استفزازي ووقح
ومهما قلت لها الله كريم ياخاله ترجع وتفتح نفس السيره


وانا ياعيني اخجل واحترمها كثير


لين طفح الكيل وجات جمعه لنا وفتحت نفس السيره


وقالت لي وراها اختك فلانه ماحملت


ورديت عليها قلت لها وانتي ماعندك سيره الا اختي ياخاله شاغلتك وشاغله فكرك ياخاله دعي الخلق للخالق اختي مبسوطه ومرتاحه والله يهنيها ماحد شكى لك الحال


وتغيرت الوانها 180 درجه وماعد ودت بربع كلمه ولتفت على بنتها وغيرت السيره وسوت نفسها ماسمعتني


وطبعا ام زوجي موهينه ابدا ومعروفه انها فيها حقها
بس انا احترمتها بما فيه الكفايه عشانها جدت بناتي
ومافي فايده ابد تحسبني ماعرف ارد متعوده عليا الحبيبه الي ماتطلع مني ربع الكلمه الشينه الحمدلله لاني بنت اصل ومتربيه


ومرت جمعات بعدها وماعد جابت طاري لاختي ابدا


والي ابي شوركم فيه تحسون ان الي سويته خطا ولاصح
لان احيانا يانبني ضميري واقول مهما كان حرمة كبيره ولها احترامها


قولولي رايكم بنات الله يسعدكم