ردي على موضوع اختي simone 🌹

اولا يا مشرفات بليز احذفو موضوعي لما يكتفي من الردود ،
ثانيا ما اسامح احد ينقل شي من كلامي لاي مكان آخر


هذا ردي ع موضوع اختي في الله simone 🌹🌹




واعلمي ان كلامي محبة لك ولكل اخواتي


وكلامي نابع عن تجربة
لعل وحدة منكم تستفيد منه
وبالنهاية كل وحدة تسوي اللي يناسبها ، لاني اعرف ان مثل عنوان موضوعك (عزي نفسك) صعب التنفيذ لان لازم الوحدة تكون مستعدة نفسيا له وتتحمل كـــل شـــــي في سبيله


المهم لا تفكري إني ما احس فيك ، احس لاني مجربة


انا والله صار لي مثلك ، زوجي طردني ع سبب تااافه واول ماصرت عند اهلي قلت لهم ع كل فعايله معي


المهم فصرت عند اهلي شهوور


ومرة من المرات انضربت بعد ع سبب تااافه وانا اصلا ماكان لي دخل فيه ! بس طلعت الحرة فيني انا !


وانا من قبل زواجي كنت انضرب ، واحد اهم اسباب زواجي إني كنت ابي اطلع من عند اهلي


ما انـــــكـــــر جا ببالي اتصل ع زوجي وبكيت ، بس مسكت نفسي وماتصلت على زوجي يجي ياخذني


اجل شسويت؟ حبست نفسي اسبووووع بغرفة احمي نفسي


حتى والله لا اكل ولا اشرب إلا خرابيط بسيطة عندي بالغرفة من اول


من بكى امي وخوفها علي كسرو مفتاح الباب بالغصب عشان تشوفني وانضربت مرة ثانية


واشتكيت ع اللي ضربني عن طريق الجوال! وسمعتهم الصراخ والكلام عندي


وبعدها امي اجبرت اللي ضربني يستسمح مني فـ تنازلت عن الشكوى


انا اصلا ماكنت ابي اكبرها وتوصل للشرطة ، بس كذا تخويف


ودعيت الله وتحسبت ودعيت حتى ع زوجي يذوق اللي انا ذقته بسببه .. وفعلا دارت الدنيا وربي استجاب وذااااقها بأهله


وظليت اكثر من سنة عند اهلي لين زوجي حفى عشان يرجعني


عزي نفسك ! ماحد يعزك بهالدنيا غير نفسك
وانتي أُم ! كيف ترضي ع ولدك يشوفك بهالحالة
كيف يتعلم يصير قوي شخصية وواثق من نفسه


لازم تكوني مؤمنة بقيمة نفسك ماترضي بهالشي يصير لك مهمااااااااا كان


ماقهرني بموضوعك إلا كلمة زوجك
( فديت اخوك عز الله أنه رجال ) !!
%&$#_& !!


انا واحد من اخواني كذا مثلك
زوجي كان يتصل عليه يشتكي له مني
وبالبداية اخوي كان واقف مع زوجي
بس اناااااا رفضت اخوي يتدخل ابداااااااا
وسويت النون ومايعلمون
تكلمت تكلمت تكلمت كل يووووووووووم
لين اهلي طفشو مني وجاهم صداع
وخلاص يبغو بس هدوء بالبيت هههه


وبعدها باقي اخواني قالو احنا مالنا دخل


وصار زوجي ماعنده احد يتكلم علي عنده ، يتصل عليهم مايردو عليه ، ظل محتار يلجأ لمين !


ولما صار يكلمني زوجي كنت ابين له ابين له اني مرتااااااحة مع اهلي مو ناقصني شي ، شيخليني ارجع له وهو مو اول له مره له يطردني !
خليته ينددددددم والله ويتأسف


ياختي تقولي مجبورة لان اهلك يضربوك
والذل والاهانة مع زوجك وش ؟؟
انتي خليتي زوجك يستهين فيك


واللي تقول الاهل يسوو كذا ماقصدهم الاساءة لك لكن عشان مايخرب بيتك ،


اولاً / لااازم تفهمووالاستمرارية بالزواج لاتعني النجاااااح !


ثانيا / النية الطيبة بهالمواقف ماااااا تكفي ! لازم حَل جذري ويتنفذ بطريقة صحيحة ،


اذا الاهل مايعرفوها الزوجة تعلمهم لانها ادرى الناس بزوجها ووش ينفع معاه !


أخيراً اقول الله يصبرنا يارَب ويهدي اهالينا ويسخر ازواجنا لنا
اذكروني بدعوة ❤️