ردي\ على موضوع المعلمات العجايز ومعلمات الواتس اب

كلامك صحيح اصلا كان المووضوع كله دفاع عن المعلمات القديمات وواضح هالشي ..يعني الخريجات افضل من ناحيه الدرراسه اقصد جامعيات وفي كثير منهن درسن حاسب ودبلومات بعد الجامعه يعني معدات للتدريس .وفيهن طاقه وابداع
.

انا ماقول المعلمات القديمات مايعرفن يشرحن او ماتعلمو مثلنا ..لا مو هذا القصد ...


يعني الان اغلب المدارس وبالذات الابتدائيه المدرسات فوق الخمسين اعمارهن ..بالعقل هل تقارن مع وحده توها بـ30 او 33 في النشاط وطرق التدريس وغيره ...


المفروض الفرصه تتاح لكل خريجه ..والتقاعد من حق الجميع ..

والله العظيم حتى الصغآر صاروا يعرفوا معانتا احنا الخريجات الطاقات المبيته والمسجونه << هذا اللي اقدر اقوله عنا..

اختي طالبة الابتدائي تقولي ابلاتنا كلهم عجايز بالقوه الواحده تقوم تمشي ليش مايقعدوا يستريحوا في بيوتهم وتجي انتي تدرسينا ودايم تعيدها علي تعالي عندنا المدرسه كلمي المديره بتوافق على طول هههههههه<<ياحليلها ,,,,, الابلات خلاص كبااار مايقدروا يدرسونا .. بعدين فهمتها انهم لازم هم يتقاعدوا ........

وربي حتى طالبات الابتدائي صاروا يتفكهوا وينكتوا على ابلاتهم يقولوا مايبوا يتقاعدوا عشان خايفين الراتب ينقص منهم . وطول الوقت اختي تسأل كم راتب الابله اذا نقص كم يصير .. وبعدين تقول تحمد ربها خلاص يكفيها نص راتب ..

للأسف الكبير والصغير صار يعرف ان هالمعلمات العجايز عثره في طريقنا ==== وهالعجايز مايبوا يحسوا على دمهم ...........


استغفرالله بس,,,,,,,,,,,,,,,,,,,

سبحان الله تصوروا المديرة والمدرسات في مدرستي الابتدائية هم نفسهم الان اللي درسوني يدرسون بناتي ويبنات اخواني وتخرجوا الان من الابتدائية يعني من اكثر33 سنه

همس المشآعر

سؤال لك يالغاليه

لو توظفتي واستمريتي بالوظيفة 18 سنة ولا نقول 15 سنة راح تتركين الوظيفه لوحده غيرك ؟؟

وبتقولين هذي خريجة بتقاعد وتجي محلي ؟

خلوكم بالمنطق هي الله يهنيها توظفت ورزق من الله جاها وكل انسان يسعى للرزق

وهي كمان مظلومه بمساله التقاعد

لان نفس الوزارة ماخفضت سن التقاعد

ولو كان 20 سنة واخذ راتبي كامل كان الكل تقاعد واتيحت الفرصة للكل

لكن اجي واقول انتي تقاعدي لجل اجي مكانك ماتجي بالعقل

وانا اقولها لو توظفت او لو انا معلمة والله ماراح اتقاعد واخذ نص الراتب ابي رزقي كامل

وعلى فكرة هم متوذين من سالفه التقاعد واحنا متوذين من سالفة التعيين

والوزاره جالسه ومرتاحه ومو جايبه خبر لاحد

ودي لك

إنتِ الآن باعتقادك إن فرصة العمل انحرمتِ منها بسبب المعلمات الكبيرات ؟

و إن اللي المفروض يكون راتبك يروح لها ؟

يعني ما هي مسألة رزقها مسألة قاعدة تاخذ حق غيرها ؟؟؟

خلتيه مال حرام بهالتفكير !!!

وهو (((( رزق ))))

وبعدين كل هدفنا من التوظيف ((( الراتب ))) ؟؟؟

تقولي لا تظلموا الناس مو ناقصين ذنوب !!!

وتظلمين المعلمة الكبيرة إن الحصة كلها حكاوي وقصص !!!!

احضرتِ حصص كل المعلمات الكبيرات ؟؟؟

عشان تحكمين على ضميرهم و أمانتهم !!!

ولا الأمانة بس عند المعلمات الجدد ؟؟؟

والمشرفات يحضرون للكبيرات والجدد لو شافوها ما تصلح للتدريس بتتحاسب زيها زي غيرها !!!!


منطق غير مترابط و انفعال في غير محله !

طالبي بحقك من المسؤولين اللي لو يخافوا الله بس

كان توظفنا كلنا .. !!!!!

مو المعلمات الكبيرات اللي حرموك حقك في الوظيفة !!!

أسألك بالله لا توظفتِ ببتقاعدي وعمرك أربعين سنة عشان تعطي فرصة لغيرك ؟؟؟؟؟؟

نحن في الحقيقة بحاجة لدرووووس في القناعة والرضا والاحترام لحقوقنا وحقوق غيرنا !!!

صار الوضع في هالقسم تناهب وتلاسن و استفزاز و تخبط إلا من رحم ربي !


ما نقول غير لا حول ولا قوة إلا بالله :(