رد تحليلي على الإستشارة المرفقة في الصورة

الأسرة والمجتمع

أولاً: السلام عليكم أخواتي و في البداية حابة أرد على إتهامات البعض بأني أنشأت هذا الحساب للتكسّب المادي ،
كما اسلفت أنا لدي عملي الخاص و الحمد لله و وقتي مليان ، بس في هذا العالم الكبير هناك أشخاص لا يملكون المال الكافي لزيارتنا في العيادات و ربما حتى ظروفهم المحيطة لا تسمح ، و لما سمعت بهذا الموقع حسيت بالمسؤولية و أنشأت حسابي هذا زكاة لعلمي و صدقة جارية لي و لأهل بيتي بإذن الله ، و إن ربي أخذ أمانته أكون نفعت من استطعت نفعه لوجه الله تعالى و لا أريد منكم جزاءً ولا شكورا

ثانياً : أنا مدركة إن هذا العالم صار مليء باللغط و الكذب و الإحتيال ، لكن ما زال هناك من يريد الإصلاح ما استطاع ، ما زال هناك أشخاص اصحاب مبادىء و رسالة يبذلون وقتهم من أجل قضيتهم و رسالتهم في الحياة

ثالثاً : طبيعة عملي تقيدني ، لذلك لن اكون متاحة كل الوقت للرد ، لكن سأحاول ان أنفعكن بما أستطيع و لا يكلف الله نفساً إلا وسعها

رابعاً : و أخيراً سأعقب على ردي الذي انتقدتموه لهذه الإستشارة

بسم الله وبعد :
حتى تتضح الفكرة و الصورة

سؤال : كيف تشعرين بأنوثتك كإمرأة ؟
جاوبيني في التعليقات

طيب كيف الرجل يشعر بذكورته ؟ كيف يشعر بوجوده كرجل ؟

اجاوبك يا عزيزتي بإن الرجل يشعر بإنه رجل عندما ينفق على أهل بيته و يقوم عليهم من خلال حمايتهم و رعايتهم و عند جماع زوجته ، هذي ميادين الرجولة عند الرجل ، ميدانين ما في غيرهم

و كلها تقتصر على المادة = يمنح مال + يمنح حماية بجسده المادي و يدفع الاذى عن الضعفاء في اسرته + يمنح الجنس و هو المانح في هذه العملية

طيب المرأة ايش وظيفتها ؟
المرأة تمنح الحياة و المعنى للمادة التي يقدمها الرجل

يعني :تعطيه تقدير لحمايته و انفاقه ، و تحول له المواد اللي ينفق امواله عليها لأشياء جديرة ، يعني هو يجيب خضار هي اسوي أكل ، يعطيها فلوس هي تروح تجيب ملابس حلوة له و لعيالهم و تختار اثاث ، يعني هي اللي تعطي معنى للحياة
و اخيرا تمنح الروح لما يقدمه لها الرجل في العملية الجنسية

يعني الرجال احوج ما يكونون للنساء ، و حياة الرجل بلا أنثى حياة بلا معنى

تهقين ليش يقول هذي ام العيال ؟
لانه مرتبط معنويا بهذي اللي منحت الحياة لما قدمه لها في عملية جنسية

و تهقين ليش الرجال يلاحقون المرأة العفيفة المحترمة صعبة المنال ؟
علشان كلما كانت المرأة مميزة في المجتمع ، كلما سعى الرجال من حولها الحصول على رضاها علشان تعطيهم فرصة يشعرون بالمعنى و الجدوى لحياتهم من خلالها

و الله اعرف احد لاحق بنت اربع سنوات علشان يتزوجها و يسمع منها كلمة حاضر ، راح تعتقدي هذي دكتاتورية و تسلط منه صح ؟

بس خليني اصدمك انها مو كذا ، هو بس كان ساعي للحصول على محبتها و احترامها
و عندما تنكشف الاوراق بين رجل و امرأة و يصيروا زوجين
هي راح تستمتع بضعفها قدامه و هو راح يستمتع باحتواء هذا الضعف


الحين بعد سلسلة الافكار هذي خلوني ارجع لردي ع الإستشارة

تعرفون ليش زوجها يجامعها بهذي الطريقة ؟

لأنه واضح هي خدشت رجولته ، يعني يشعر بأضعاف احساسك لما احد يخدش انوثتك ، لأن حاجته للشعور بمعنى رجولته من خلالك كإمرأة أقوى بكثير من حاجتك لذلك كأنثى

ف ايش كان رد فعله ، يجيبها و يجامعها كرد على اهانتها
يعني يحاول يوصل رسالة بإنه: ها شوفيني رجال ولا مو رجال ؟

و هذا سلوك مضطرب نعم بس نابع من زعله اللي اهي السبب الرئيسي فيه

يعني أهي في لحظة العلاقة لو تكلمت معاه و لاطفته و ردتله رجولته اللي اهدرتها و خدشتها راح ترجع المية لمجاريها بس واضح انها متعنتة و ما تبغى تمنحه اعتذار كما يجب و تقدير يجب عما قبله من اهانات

و ترى زوجها كويس و يحبها مرة لأنه ما خانها حتى و هو زعلان و يقدر يسويها
لكنه محترم و يحاول يفتح معاها قنوات تواصل بس هي يبدو انه ما رق قلبها و لا حاورته بهدوء في غلطها
و مصيره زوجته هذا يمل من الجمود و يروح يشوف حاله عادي و عادي تجي تقول لنا بكرة ترى تزوج علي !

الحين احنا كنساء إذا زعلنا منهم مو نحب الاعتذار بالورد و الدلع و كذا
طيب لازم نفهم ان الرجال مو مثلنا ، الرجل إذا زعل يبي عشوة رومنسية و حضن و غنج و جنس و تقدير
يبي يحس انه رجاااااال و سيد الرجاجيل و ما يمون عليك فهمتي ؟

و علشان كذا دايم أقول افتحوا قنوات حوار مع ازوااااجكم و سووولفوا معاااهم شوفوهم ايش يحبون و كيف يفكرون
و تعرفت تفضيلاتهم بكل شي و احكولهم عن اشيائكم اللي تحبونها و تفضيلاتكم
و اختاروا وقت لطيف و هادىء و تكلموا او خليه يعزمك قهوة و سووولفوا الله يرضى عليكم
و احترمي انه جاي من الشغل تعبان و اجلي أي شي لوقت راحته

و إذا لقيتيه وجهه جايب الوان احضنيه و قوليله ترى تقدر وعلمني إذا صاير معك شي مو زين انت زوجي و أنا عزوتك مالك غيري
عطيه الأمان خليه يفضفضلك و فضفضيله
و من الآن أقولك اذا ما في حوارات بحياتكم هذي علاقة فاشلة

تفاعلي معاه حتى بالعلاقة و لا تصيرين جثة
و لازم تستوعبين ان الزواج علاقة تكافلية تكاملية و تنازلات متبادلة بين الطرفين
و مثل ما تحبين تعاملينه عاملييييه
جو انك اخر قطعة بالحزن هذا ابعدي عنه
خلك واثقة بنفسك باعتدال بدون تكبر عليه

و اتعلموا انتي و زوجك تبذلون جهدكم و مالكم و وقتكم في تحسين علاقاتكم بدال ما تصرفونهم ع الطلاق و لوية المحاكم

و شكراً
التقيكم المرة الجاية
و بحاول ارد ع التعليقات إذا فيه اسئلة

19
1K

يلزم عليك تسجيل الدخول أولًا لكتابة تعليق.

تسجيل دخول

مستشارة أسرية
مستشارة أسرية
و أريد التعقيب أن خروج المرأة لسوح العمل اليوم صار مهدد لمهام الرجل الوجودية ،و هذي نقطة اوقف عليها و و راح اكلمكم عنها بتوسع المرة الجاية

و راح نتعرف على أنواع الرجال اللي نشأوا بعد خروج المرأة لسوح العمل

راح يكون موضوع ثري بإذن الله خلكم قريبات ولا تتعجلون بالحكم
اترككن في امان الله و رعايته
🇸🇦السعوديه🇸🇦
مساء الخير
اول شي جزاك الله خير على طيب نيتك
وماعندي شك في انك تبين الخير لكل العضوات الي هنا.
الموصوع الي نزلتيه هنا ردك ع البنت من وجهة نظري أنااا إنه منحاز جدا جدا لزوجها.
طيب البنت اعترفت انها غلطت.
واعتذرت منه.
وتغنجتله وصار الأخ يناديها للعلاقه برنة جوال أو رساله والمسكينه تقول انها تفرح لأنها تتمنى ذا الشي يزيل التوتر بينهم وترضيه في العلاقه قد ماتقدر.
ثم وش؟؟؟؟
يعطيها ظهره ويستمر في عزلته وأكله برى ولاحتى يكلمها!
طيب وش مطلوب منها أكثر؟؟؟
لبس لبست
خلع هدوم وخلعت
اعتذار واعتذرت
وش بقي؟؟؟؟

الرجال انبسط على الوضع رمى الحمل عليها وساق فيها بحجة انا زعلان وصارت علاقتهم علاقه بهيميه تحكمها رنة جوال!

قرأت لها انه مايقدر تعبها ويجيها في العن اوقات تعبها مع اطفالها وحوسة البيت ويقولها ليش مكركبه!
ومره ثانيه يذكرلها حبيباته السابقات حتى لو من باب المزح هذا الشي يقهر الأنثى.

لاتتحاملين على الإناث ولاتحملينهم كل الخطاا.
قرأت ردك وتقولين ماتبذلون مال!

وكيف نبذل المال عشان نراضيهم؟؟؟

تراها عشره وموده ورحمه.
مهي علاقة ليل لبس وشخلعه.
مشاركه في كل شي.

اذا تبين يكون صوتك مسموع لاتحملين البنات الخطا وحسي ان الوحده تجي تكتب مشكلتها مقهوره وتردين عليها البسي وتغنجي وابذلي المزيد!

طيب حتى البنت عليها ضغوطات وعندها هموم وتتعببببب جدا جدا.
وش مطلوب منه تجاهها؟؟؟؟
رنة جوال حيوانيه!؟؟؟
زوزو العتيبي
زوزو العتيبي
وش هذا كله كتاب !!؟ يحول لله من عنده وقت يقراكل ها السرد افضل يقراء وجهين من كتاب الله
زائرة
مساء الخير اول شي جزاك الله خير على طيب نيتك وماعندي شك في انك تبين الخير لكل العضوات الي هنا. الموصوع الي نزلتيه هنا ردك ع البنت من وجهة نظري أنااا إنه منحاز جدا جدا لزوجها. طيب البنت اعترفت انها غلطت. واعتذرت منه. وتغنجتله وصار الأخ يناديها للعلاقه برنة جوال أو رساله والمسكينه تقول انها تفرح لأنها تتمنى ذا الشي يزيل التوتر بينهم وترضيه في العلاقه قد ماتقدر. ثم وش؟؟؟؟ يعطيها ظهره ويستمر في عزلته وأكله برى ولاحتى يكلمها! طيب وش مطلوب منها أكثر؟؟؟ لبس لبست خلع هدوم وخلعت اعتذار واعتذرت وش بقي؟؟؟؟ الرجال انبسط على الوضع رمى الحمل عليها وساق فيها بحجة انا زعلان وصارت علاقتهم علاقه بهيميه تحكمها رنة جوال! قرأت لها انه مايقدر تعبها ويجيها في العن اوقات تعبها مع اطفالها وحوسة البيت ويقولها ليش مكركبه! ومره ثانيه يذكرلها حبيباته السابقات حتى لو من باب المزح هذا الشي يقهر الأنثى. لاتتحاملين على الإناث ولاتحملينهم كل الخطاا. قرأت ردك وتقولين ماتبذلون مال! وكيف نبذل المال عشان نراضيهم؟؟؟ تراها عشره وموده ورحمه. مهي علاقة ليل لبس وشخلعه. مشاركه في كل شي. اذا تبين يكون صوتك مسموع لاتحملين البنات الخطا وحسي ان الوحده تجي تكتب مشكلتها مقهوره وتردين عليها البسي وتغنجي وابذلي المزيد! طيب حتى البنت عليها ضغوطات وعندها هموم وتتعببببب جدا جدا. وش مطلوب منه تجاهها؟؟؟؟ رنة جوال حيوانيه!؟؟؟
مساء الخير اول شي جزاك الله خير على طيب نيتك وماعندي شك في انك تبين الخير لكل العضوات الي...
الله ايسعدك ،💝قلتي الي في خاطري
🇸🇦السعوديه🇸🇦
زائرة :
الله ايسعدك ،💝قلتي الي في خاطري
الله ايسعدك ،💝قلتي الي في خاطري
ويسعدك يابنت ليبيا الحبيبه❤❤