الله حسيبك دامك اقفيت عني
خليتني بين الرجا والقطيعه
في غيبتك كثر الهموم اتعبني
اقبل مصيف القلب واقفى ربيعه
ذوبت شوقيلك وخيبت ظني
يامرك قلبك بالفراق وتطيعه
ان كان قصدك بالغلا تمتحني
قلب شرى حبك علامك تبيعه
وشلون نفسك طاعتك بالتجني
وحبك حفظته مثل حفظ الوديعه
تركتني والذكريات اذبحتني
خليتلي حزن المشاعر طبيعه
هجرتني واقفيت وش جاك مني
ماشوفلك شئ تحطه ذريعه
من رحت لحظات الفرح ودعني
من سبتك ضاقت على الوسيعه
قلبي من اسبابك صويب يوني
يكفخ وتردعه الضلوع المنيعه
حتى عيوني من سببك اوجعني
اسهر وكني طايح في فجيعه
ودايم اخيلك في دروب اوهمني
مثل السراب اللي تبعد لميعه
مغير افكر والهموم اشغلني
خليت قلبي في تعاسه وضيعه
متى العيون بشوفتك يفرحني
وترتاح نفس من فراقك وجيعه ..
للشاعر .. حمد الفاارسي ..
منقول لعيونكم
بس مكانها في الشعبي