بداية احب اشكر كل واحدة دخلت موضوعي وباركت لي ببنوتي وربي يعلم اني حبيت افيدكم بتجربتي وخصوصا للي يولدون بعيد عند اهلهم وهذا رابط موضوعي اللي نزلته قبل يومين مادري ثلاثة المهم شوفوه
http://forum.hawaaworld.com/showthread.php?t=2393154&page=14
والواحد يقول ماشاء الله وربي الحمد لله مبارك لي بوقتي وطول الوقت القران اشغله عشان مايجيني اكتئاب واشغل اذاعة القران وغير كذا بنوتي الله يرضى عليها هادية وطول الوقت نايمة الين خلصت الاربعين وزوجي مايرجع الا متاخر من العمل وكانت ولادتي في 21 \3 يعني خلصت الاربعين يوم الاربعاء قبل اسبوع الاجازة والحمدلله ولادتي جت في وقت انا تونا بدانا ناخذ محاضرات ومافتني كثير حتى الاستاذات ربي مسخرهم لي يحبوني وشرحولي اللي فاتني وصحباتي مايقصرون يكتبون لي ويصورون لي المحاضرات اول باول ويرسلون الواجبات عني اذا فيه وغير كذا انا قلت لزوجي يجيب الكبو لكن ماستخدمته لكن كتبته لكم من ضمن اللي شريتهم للنفاس والمهمة ومن تجربة خواتي وجارتي وانا للنفاس اشتريت جلابيات ناعمة وكشخة وبجايم حلوة حتى جارتي القصيمية جت عندي فجأة مادقت علي تلفون مادري الا وهي ورى الباب ودخلت وجت بقهوتهاوالله انها هاوشتني تقول ليه متزينة خليكي عادية تقولي بس استخدمي لجسمك المسك الحجري تقولي لايشوفك قوووووووووووووية والله يشوفك متعافية من بعد المووووووووووت مايقدرووووووووون الرجال تحكيلي قصتها تقول انهاكانت نفاس بولدها الثاني وتقول امها مرة كبيرةعجوز تقول ماللي الابيتي عند زوجي وتقول ويشوفني زوجي بعداسبوع من النفاس بخير وامشي واروح واجي تقول الا ويج يقولها ترى فلان بن فلان جاي يتعشى معاي وعازم ابعة من غيرة تقووول واضرب على راسي ليه الله يسامحك حاولت تفهمه وتشرح له يقولها والله انك مثل الحصان تقول واطبخ وابكي وتقول لو مافزعت لي جارتها متاخركانت راحت فيها وتقول من بعدها حرمت صرت اسوي اني تعبانة داااااااااايم عشان مايشوفني قوية فقلت لها ان زوجي دخل معي وقت الولادة وكان عند راسي يهديني وشاف بعيونه اني شفت الموووت ومن بعدها صار يقدر تعبي والحمد لله وبالنسبة للرشاد انا اخذه يوم ويوم لا الين الدورة تجيني اول 3ايام مااستخدمه واخ 3 ايام من الدورة استخدمه وانا طبيعة جسمي مايبان فيها الريحة الرشاد وجدتي تستخدم الرشاد يبين فيها ريحتها اذا عرقت والحلبة والله الذي لااله الا هو وصحباتي يشمشمون ملابسي يقولون مافيك ريحة حلبة قلت لهم اني اقول للشغالة تغليها مع نعناع ماتبين ريحتها فيك بكلام الدكتورجابر وجربتها فعلا اصلا لوكانت تبين في ريحتها مااستخدمتها وزميلتي تقول امها تستخدم عشبة تخلطها مع الحلبةتاخذها من العطار مايبين ريحتها فيها وادعي ان بناتي يجون زي طبيعة جسمي مايبين فيهم الريحة
اعرف وحدة ولدت بعيد عن اهلها تقول صرت اخلي زوجي يجرب معاي قشر قهوة وبعد ياخذ رشاد على الريق في الصباح فتقول عشان ريحتها تبين فيها فتقول نصير في الهوا سوا
وصحباتي اللي متزوجات ونفس حالتي يستخدمو الرشاد وفيهم اللي تبين الريحة وبعضهم ماتبين طبيعة الاجسام تختلف ياقلبي بعدين دكتورتي ميساء تقولي حممي جسمك دايم بموية دافيه والمنطقة اللي تحت وحطي الكريمات ميبو وكريم ثاني مع بعض اخلطهم واتدفى زين تقول المنطقة لازم تكون نظيفة ومعقمة واصلا لازم تحممين جسمك عشان بنتك اذا بترضع منك دكتورة الرضاعة جاتني في المستشفى تقولي دايم تحممي عشان بنتك ماتشم فيكي ريحة وتنفر منك ماتبي ترضع من صدرك لازم تكوني نظيفة
وبالنسبة من وين لي الوقت والله بنتي مربيتها زين هادية وماتشغلني وماتسوي ضجة لعبها هادي وناعمة حتى العابها مهتمة فيهم واذاماتبيهم تحطهم في صندوق الالعاب حقها وتسمع الكلام اذا قلتلها اي شي تقول طيب عمرها سنتين و8 شهور وماتخرب اي شي في البيت بالعكس اذا جو ناس عندي ومعهم اطفالهم اصغر منها تقولهم عيب هذا اح بعدين يسوي فيك ببة يعني الم وبنوتي الصغيرة اذا كنت مشغولة بالمحاضرات او مشروع احطها عن الشغالة واشتريت هزازالسريرالكهربائي من سنتر بوينت والله ينومها وهي بسم الله عليها هادية والشغالة مدربتها زين والله قامت بالبيت يوم جوا اقاربي يزوروني حضرت السفرة وحطتلي اكل خاص فيني على جنب ومانسيت تحضير ترامس اللي وصيتها واللكل مدحها ماشاء الله تريحك انا اخذتها من وحدة قطرية مدحت لي ياهاووصتني لااعطيها وجه واكافئها اذا سوت شغلة زينة وتقولي حطي كاميرات احتياط وفعلا حاطة كاميرتين في المطبخ والصالة مدربتها زين والحمد لله ماشية تماااااااام وبعدماخلصت الاربعين شريت لها شرشف صلاة وساعة سعرها 70 ريال وجلابيات لامها وملابس لبنتها ترى كلها رخيصة بس تفرحهم يابنات بالله قولوا ماشاء الله تبارك الرحمن وادعوووووووووووووووووولي انجح يارب ويحفظ لي ربي بناتي ولا يحرمني منهم:26::26::26::26:
ويسهل على كل وحدة على وجه ولادة ويخليها مثل شرب الموية ياربي ياحبيبي ساعد كل وحدة بتولد وهون الطلق عليها كما ساعدتني يارحمن ياكريم واذا ولدتوا تصدقوا شكرلله وبنية صلاح عيالكم
black^_^ eyes @black_eyes_2
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
دعواتك الله يرزقني الولد الصالح كامل الخلق والخلقه ويسهل حمله وولادته