رد على بعض البنات الي فاهماتني غلط فكل موضوع

السلام عليكم ورحمة الله وبركاته
انا يا بنات احب افضفض فهالمنتدي لما يصير معي شي من الظلم، بعض البنات ماشالله عليهم ردهم مثل العسل اما البعض الله يهديهم يظنو اني الغلطانه. انا من توظفت لي4 سنوات تقريبا وهذا الزوج من بعد إصرار اهلي عليه وافقت لانه من كلام امه انه عنده خير وماراح يقصر معي ووووو،طلع كله كذب بالرغم من ان الناس سالو عنه ومتاكدين اني راح ارتاح وعنده مال. طلع بس مظاهر وامه تستغله وتعدل في بيتها من فلوسه. اما فلوسها تجمعه من سنه كم وهي تجمع الله العالم. وبناتها وأولادها كلهم يشتغلو ولا وأحد فيهم يبالغ معها مثل ما يبالغ زوجي في اعطائها فلوس. عيالها يعطونها مصروف شهري وبس وهذا حقها يعني كلهم عيالها8 تخيلو كلهم تستلم منهم مصرف شهري. وتنصحهم يستثمرو فلوسهم وشقق ومحلات وهي معها خيرات من اجارات. وجمعيات. ما عدا زوجي تاخذ منه وتشفطه شفط وتوسوسه علي عشان غصبا علي اعاونه بدل ماهي حرمة كبيرة بدل ما تنصحه انه ما يطلب مني فلس عشان اساعد اهلي الأيتام وامي الارمله.
والله لا عندنا لا اجار ولا محل ولا شي عايشين على راتبي. بعكس زوجي وامه. راهيين وعندهم خير ومعروفين بس عندي انا يخلو نفسهم فقارا.، وعن الي تقول معاملة امه معاه زينه والله امه لما زوجي ما ينفذ الي تريد تنازعه وتصارخ فيه كانه اصغر عيالها. وانا معاملتي معه زي العسل وما فاد شي والله. وعن الي تقول اكسب امه. والله معاملتي معها زي العسل وابوسها فراسها كل ما اشوفها مع ابتسامات وعمري ما طولت لساني عليها.وبعدها فوق هذا تغار مني على ولدها لما يكلمني قدام امه كنه يكلم صديقه وبصوت مرتفع بس عشان ما تغار الحبيبه. اما لما يكلمها هي مثل العسل كانها هي زوجته. طيب ليه ما تعاملنا زي بعض
شفتو كيف الظلم.