رد على رسايل الخاص ( إخصائيهـ إجتماعيهـ ) :

( الرسالهـ الأولى ) :
بارك الله فيك اختي اخصائيه موضوعك رائع وبحاول اطبق على نفسي
مشكلتي احس دمي ثقيل..وطبعي كلامي قليل وافضل الصمت حتى اذا اخطأ علي احد لاارد خوفآ من ان غلط أو اسيء لأحد .احيانآ احاول امزح واغيرمن طبعي
بس اجد اني خربتها والي حولي فهموني غلط ..اتضايق كثيرمن نفسي واعودإلي صمتي .. حبوبه عندك حل أوطريقه تساعدني
**** :)
أختــي جــدا مشكلتك بســـيطهـ ,,
أنتي ياحبيبتي أخذه فكرهـ سلبيهـ عن نفسك وروحك ,,
لا ياغلآتي ,, أنتي حبي نفسك عشــآن الآخرون يحبونكـ ,,
حبيبتي أنتي ابدأي خطــوهـ بخطــوهـ ,,
يعني مو فجــأهـ تنقلبين من الصمت إلى ضحك وفرفشه ومزح ,,
لا حبيبتي الإنقلاب المفآجئ يعطيك ردة فعل سلبيه من نفسكـ أولا ومن الناس ثانيا ,,
**بالبدايه إلتزمي بالإبتسامهـ فإنها ( سحــر مفــتاح القلــوب ) ويكفيك أن تبسمك في وجه أخيك صدقه ,, يعني راح تكسبين فائدتين دنيويه وبالآخره بإذن ربي ,,
حاولي تبتسمين إبتسامه تحسسين اللي حواليكـ إنك مبسوطهـ معهم وتحبيهم وبكذا راح ينطبع عندهم في العقل الباطن من خلال النظر لملامحك بإنك تحبينهم وترسل إشارهـ للعقل اللاواعي بإنك محبوبه لديهم ( طبيعة النفس البشريه وفطرتها تحب وتميل للشخص الذي يحبها ) ,,
طبعا الإبتسامه تلازمينها تقريبا من جلستين الى اربع جلسات كحد أقصى ,, وضروري نظرات العين تهتمين فيهم وتنظرين بفرح لأن نظرهـ العين والإبتسامه ضروريه لتحقيق إنطباع جيد :)
**بعد كــــــــذا تبدين تعلقين على اي سالفه تسردها اي وحده موجوده طبعا بالبدايه لتعلقين الا تعليقات إيجابيهـ على المواضيع الإيجابيه فقط (هذا بالبدايه عشان تقدرين تشقين الطريق اللي تبين توصلين له بسهوله ودون مواجهه معارضه من احد ,, عشان لاتنتكس الإنطباعات الإيجابيه عندكـ )
طبعا تستمرين على الحال أيضا من ثلاث جلسات إلى خمس جلسات كحد أقصى :)
** بعد كذا وهي الخطوهـ الثالثه تبدين أنتي تتكلمين وأنتي واثقه عن مواقف حلوة صارتلك أو عند مواقف محرجه صارتلك (المواقف محببه للنفس ذكرها ) بعد كذا راح تتعزز الفكره والإنطباع الجيد عندهم عنك ,, أبدي تكلمي عن مواقف بالمدرسه ومواقف صارتلك بالسوق ,, ومواقف صارتلك بزواج أو حفله ,, بس تكلمي عن مواقف إيجابيه لك ,, لاتتكلمي عن مواقف حزن أو سلبيه لك عشان لاتهدمين اللي انتي تكملين الوصول له ,,:)
** بعد كذا نجي للخطوهـ الرابعه وهي أسهل خطوهـ تمزجين الثلاث خطوات الماضيه مع بعض وراح تكون أسهل واحلا خطوهـ
طبعا ضروري تكونين ملازمه الإبتسامه على طول بجميع جلساتك عدا جلسات مواقف الحزن بس بالخطوه ذي أدمجي التعليق على احاديثهم بالشيئ اللي بخاطرك سواء سلبي او ايجابي لكن وانتي تعلقين حاولي تتكلمين بهدوء وابتسامه عشان يسهل تقبلها
(بعد كذا راح تكونين محبوبه وجلستك لها دور ,, وغيابك يحسون فيه ,, وراح تكونين أؤنس جلساتهم ,, )
انتي الآن حليتي نص مشكلتك ( رغم أني أشوفها جدا بسيطه لكن أنتي تاركتها تأثر على نفسيتك بشكل كبير ) أنتي بمجرد إنك تبين تغيرين من نفسك فهذا هو حل نصف المشكله والباقي سهل ومحلول بإذن ربي ويتسهل ,,
ملاحــظهـ: أثناء الجلسات إبتعدي عن الغيبه لأنها حرام أولا ,, وغير كذا اللي معك بالجلسه ينفرون منك ,, لأن بديهيا يجي بتفكيرهم أنهم ممكن بيوم من الأيام تغتابينهم عند ناس غيرهم ,, لكن لو ماتغتابين أحد الكل راح يرتاح للجلسه معك ويثق فيك ,,
وبالــــتوفيق ,,,
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وغير جذيه يالغلا في بعض البنات لهم مشاكل نبيج تساعدينهم فيها وتكونين الاخصائيه للقروب تكفين لاترفضين طلبي:)
حبيبتي اللي طلبت مني اضيف الإيميل وأنضم للقروب تبعهم
معليش غلاتي أعـــذريتي ماأقدر
لان وقتي اللي اتفرغ فيه قليل وأقضيه بمنتدى حـــواء
غلآتي أي بنت عندها مشكله وتبيني احلها ارسليها انتي لي عالخاص وراح ارد اليوم اللي بعده او بنفس اليوم اذا كان باقي عندي مشاركات
,,, واذا هي هنا مسجله بالمنتدى ترسلي ومن عيوني راح اخدمها باللي أقدر عليه
وتقبلي أسفي أختي مرهـ اخرى وياليت عندي وقت عشان أقدر أنضم لكم حبيبتي :)
ـــــــــــــــــــــــــــــــــــــــــــــــــــــــــــــــــــــــــــــــــ
مسآآآآآآآآء الخير غلاي

منووورة بوجودك بالمنتدى

وكيفك عسآآآآآكي بخير وعافية ؟؟؟

معليش نطيت عليكي بالخاص بس أنا حابة أتعلم منك خطوة بخطوة في البرمجة اللغوية العصبية وتقدير الذات وقانون الجذب عشان اغير من حياتي وأتمنى تقبلي صداقتي وأتشرفك فيك وأنا عارفه أنو مشاركاتك قليلة ماتسمح لكي بكتابة رساله عشان كذا عاتي خليها لوقت ثاني الرد على المسج بس كتبتلك مشاركة ويارب تقرأيها دمتي بووووووووود:26::26:
حبيبتي : تسلمين يالغلا وأنا برضو أتشرف فيك أكثر
وبالعكس أسعدني إنك نطيتي عالخاص
ومن عيوني راح أعلمكم خطوهـ بخطوهـ البرمجه اللغويه العصبيه وتطوير الذات وكل اللي تبونه (حاليا الأسبوع ذا قاعدين نناقش قانون الجذب ونزلت تجارب بنات طبقوا التمرين ,, أتمنى تقرينه ويسعدني تعليقك )
وراح أنزل تكمله اليوم عن قانون الجذب لأني لاحظت الأغلبيه هنا عندهم خلفيه عنه وهذا شيئ ممتاز إننا نناقشه ويسعدني جدا إني أناقش مواضيعي معكم وأتقبل الانتقادات بروح مرحه :)
لأن فيه ناس مايقتنعوا ابدا بالموضوع ذا ويشوفوا انه خرافات
ولكل إنسان قناعه ومحد بيجبر احد بالتأكيد !!
لكن تاكدوا انه بالاخير يسعدني اتناقش معكم ( وإختلاف الرأي لايفسد للــود قضيهـ )
ــــــــــــــــــــــــــــــــــــــــــــــــــــــــــــــــــــــــــــ

السلام عليكم اختي العزيزة اتمنى انيكون لديك وقت لسمع مشكلتي انا عندي عدم الثقة بنفسي حاولت اثق بنفسي بس دايم حظي يجي عكس دايم انصدم بناس معي وسوس وافكار سلبية قهرية معي تتخلص فى الخوف من اني افقد احد عزيزي ومعي اكتئاب انا فتاة لم اتزوج ولاعمري انخطبت مدري ليش ياسبحان الله عندي خوف يمكن من عدم ثقتي بنفسي ارجو مساعدتي انتظرر ردك وجزيتي الف خير

حبيبتي انتبهي معاي ربي يوفقك :
وعليكم السلام ,,
غلآتي خذي راحتك كلي آذان صاغيه لك ولغيرك ,,
فهمت إنك ماتثقين بنفسك عشان دايم حظك عكس ,, ليش حبيبتي حظك عكس ,,
لا حبيبتي حالتك ماتصنف إكتئاب ’’ انتي بس مترددهـ وخايفهـ من المستقبل ,, وخوفك من العنوسهـ ,,
غلآي أنتي حيييييييل الشيطان متمكن منك ,,!!
انتي مرة مستسلمه للتشائم وتبين حياتك تنحل ,,
ربنا سبحانه يقول بحديث قدسي : يظن عبدي بي مايشاء فإن ظن بخير فله , وإن ظن بشر فله ,,
أحسني الظن بربك وقوي علاقتك بربك
( أعذريني أختي لاحظت ثقتك بربك قلييييييييييييييله تنطق باللسان دون ان تستشعرينها )
ثقتك بنفسك تنبع من عدة أشياء ,,
واظبي على صلاتك بأوقاتها ,,
أرقي نفسك ,,
اقراي سورة الفاتحه سبع مرات قبل النوم وانفثي وامسحي جسدك ,,
الزمي الاستغفار بنية الزواج ,,
تصدقي بنية الزواج وياحبذا لو تقدرين تكفلين يتيم ب100ريال فلعل مفعولها أقوى عند رب العباد ,,
حاولي قد ماتقدرين تبتعدين عن المعاصي ,,
والمعاصي اللي تحاولين تبعدين عنها ولاتقدرين بعد ماتسوينها روحي توضي وصلي ركعتين واستغفري ربك ميتين مرة وبكذا ربي راح يكرهك فيها ويغفر ذنوبك بإذنه ,,
ثقي بربك وأعلمي بل تأكدي ان ربك احن وارحم عليك من امك عليك ,,
حبي نفسك واهتمي فيها وابتسمي للي حواليك
( عشان تنطبع عنك صورة إيجابيه )
كلنا غلآي نخاف نفقد ناس عزيزين ( شيئ طبيعي )
بس ماتتركينها تسيطر على تفكيرك وتعيشين حزن ,,
كل ماتجي هالأفكـــــآر السلبيهـ برأسك تعوذي من أبليس وادعي ربك لايفجعك بحبيب او قريب وادعيلهم بطولة العمر
لان الافكار السلبيه ماراح تجلب لك الا الهم
حاولي تطبقين قانون الجذب لانه راح يفيدك كثير ويحول روحك لايجابيه ( انت جدا محتاجه للتفائل )
ومن ناحيهـ الناس اللي تنصدمين فيهم ,,
غلآتي ياكثر ماننصدم بناس وللأسف الناس تغيرت ,,
لكن هذا مايمنع انو فيه ناس حبوبه وطيبه
الخير موجود والشر موجود ,,
انتي لاتثقين في احد ثقه عمياء عشان لايجي يوم وتنصدمين ,,
ولكن حبي اللي حولك ,, وتكلمي معهم ,, بدون لاتسلمين احد ثقتك فيه ,,
( فهمـــتيني ,,!!)
لأنو مفهوم الثقه بالوقت ذا بدأ يتلآشى ,,
حبيبتي لاتثقين بأي شخص حتى لو قريب ,, لكن حبيهم وأستمتعي بأوقاتك معهم ,,
الحياهـ صارت كذا ,, أنتي اسلكي طريقك بروح مرحــهـ ,,
وآخر شي أحب أقوله ,,
ثقه من ثقه تختلف ,,
اذا بتثقين بشخص ثقي بس بحدود ,, مو ثقه عمياء
وبالنهايه اقولك تفائلي تفائلي تفائلي
( تفائلوا بالخير تجدوهـ )
اقراي تمارين تفائل ومواضيع عن التفائل
والأهم قوي علاقتك بربك ,, لانو لاحظت انك بعيده عن ربنا سبحانه وعلاقتك حييييييل ضعيف
وطمنيني عنك أول بأول
انا بإنتظارك ,, وانتظار جديدك ,,
**ــــــــــــــــــ**ـــــــــــــــــــ**ــــــــــــــــ**ــــــــــــــــــــــ
السلام عليكم اختي عندي مشكله في البيت اتمنى احد يساعدني فيها بس ياليت رقم الجوال او التلفون عشان اكلمك فيها لانها خاصه شوي واذا ما فيه امكانيه ارسلي لي رقم احد يقدر يساعدني ويرشدني في حل المشكله تراني في هم عظيم ما يعلم به الا الله سبحانه

وعليكم السلام ,,
اختي أعذريني مثل ماقلتلكم وقت فراغي قصير وواقضيه بمنتدى حواء
غلآتي احكيلي المشكله برساله عالخاص
وراح اوجهك للحل السليم بإذن ربي
وربي يفرج همك ,,
اللي فهمته ان عندكم مراهق صعب جدا
بس شنو فيه ** هل يتعاطى مخدرات ..؟
ولا مشاكله عدوانيه معكم ..؟
ولا عنده مشكله خاصه ..؟
أختي حبيبتي :
كلي آذان صاغيه لك ,,
اذكري المشكله ولو بالتفصيل المختصر وراح افهم قصدك وارسلك رقم الجهه اللي تقدر تساعدك ,,
بإنتظارك عزيزتي ,,!!