رد على رسايل الخاص (الأثنين 16 _ 7) إخصائيهـ إجتماعيهـ

(الرسالهـ الأولى)
السلام عليكم ورحمه الله وبركاته
اختي الفاضله
انا محتاجه توجيه
راح ادخلك بالموضوع طوالي
اناا للأسف اعاني من مشكله وبالنسبه لي اشوفها كبيره :icon33:ومصدر قلق بالنسبه لي
إلي هي إني قفدت قدرتي على الكلام بطريقتي
وبمعنى اعم وااوضح انااحس إني فاقده نفسي :44:
احس إني انا مو انا
وعلشان اوضح لك اكثر انا تعرضت لمرض روحي وانا هالحين بافضل حال
تعافيت من كل الاعارض إلي كانت تجيني إلا إني باقي اعاني من إلي ذكرته لك فوق
بالرغم إني قبل إصابيتي بالمرض كنت إنسانه متفائله ومرحه جدا جدا وحتى طريقه كلامي الكل يعجب فيها والكل كان يثني علي كنت اعرف ادخل السرور على قلب من حولي واعرف رص الكلام رص وكنت تمتع بالثقه في نفسي
وفي رائيي
وهالحين انا العكس تماما
والشيخ قايلي تحتاجين برنامج إطلاق قدرات بس لللأسف البرنامج مغلق لحد ما يتفرغ له الشيخ
وانا عجزت اصبر ابي اتعالج وشلون اطلق قدراتي
هالحين لاحكيت مع احد احس إني لخبط الكلام واحوسه حوس
وصرت افضل السكوت عن الكلام :(
المعذره إذاكان كلامي مو مرتب
بس انا من شفتك ولله فرحت قلت لعل وعسى تكونين سبب بعد الله في حل هالمشكله
وجزاك الله خير
وجعل ماتقدمين في موازين حسناتك



الحل :
وعليكم السلام حبيبتي ,,
الحمدلله على سلامتك وهذي نعمه كبيرهـ أنك تشافيتي ولله الحمد ,, والباقي يهون وسهل بإذن ربي ..
راح أنزل لك روابط راح تفيدك بإطلاق قدراتك
وعموما إطلاق القدرات وتطوير الذات تسعى للوصول إلى نفس الهدف ,,
توسعي بمجال قراءهـ تطوير الذات وإطلاق القدرات وأنصحك بالبرمجه اللغويه العصبيه وايضا قانون الجذب لانها جميعها تحفز لديك قوهـ التفكير الإيجابي وتنميه (وهذا الشيئ أنت بحاجه له بشدهـ بالوقت هذا)
غلآتي تابعي مواضيعي اللي انزلها لانها راح تفيدك كثيييييييير ,,
أهم شي ثقي بنفسك وحبي نفسك
ولازمي الإبتسامه طول وقتك
وفكري كل شي بتفائل وتوقعي دائما الأفضل
(تفائلوا بالخير تجدوهـ)
وقوي ثقتك بربك ,,
لاحظت ان ثقتك حيل متزعزعه بنفسك وتفكيرك للأسف دائما سلبي وحسيت أنك اغلب وقتك متشائمه
غلآتي ارفعي معنوياتك ,,
ومثل ماكنتي وربي تقدرين ترجعين أفضل من قبل بكثير
الإنسان مماينولد فاهم ومثقف ومتفائل
لا حبيبتي الإنسان يسعى لها بنفسه وربي يقـــول:
(أسعى ياابن آدم وأنا أسعى معك)
غلآتي هذي الروابــط وطمنيني عنك بكل ماهو جديد لك ,, وأنا بالخدمه لك دائما ,, وأي شي يصعب عليك فهمه بلغيني وراح اشرحه لك بشكل مختصر ومبسط وانصحك تقرين موضوع قانون الجذب نزلته قبل يومين جدا رائـــــع راح يفيدك
http://media.islamway.com/lessons/se...eat_Zaat/05.rm

http://media.islamway.com/lessons/se...at_Zaat/05.mp3

http://media.islamway.com/lessons/se...at/05_video.rm

ــــــــــــــــــــــــــــــــــــــــــــــــــــــــــــــــــــــــــــــــــــــ**ــــــــــــــــــــــــــــــــــــــــــــــــــــــــــــــــــــــــــــــــ
(الرسالهـ الثانيهـ)

السلام عليكم ....انا منحرجه منمشكلتي ولاكن *****االله
الاقي عندك حل ايودي


زوجي ...
مايودي السوق يعدي 6 شهووووور يتعذر مادري وشاون اعذاره تمشي علي ههههههه
يزعجني بغطااااااااااااي وحجابي مع اني الحمدلله تغطيه وحجابي كامل مافي شي طالع تخيلي احيانا اشك انه بس يبي ينكد علي او سيطره بس حيــــــــــــــل ينكد علي احيانا ابككككككي منه ومن حركاته هذي امممم ابي اسلوب اقناع بليييز لاتحرمينا خبرتك وشطارتك بليز ردي علي بدون ماتكتبين اسمي :44:لان في كثير يعرفوني

الحل:
حبيبتي طيب انا مو عارفه ظروف زوجك وانتي ادرى فيها
يمكن ظروفها الماديه شوي ,, الرجال مايحب يقول ماعندي ,, فيضطر انه يقول مافيه ارحم عنده من ان يقول ماعندي لانه يحس فيها انتقاص لرجوله وانه مو كفؤ للزواج ,,
لكن اذا انتي شايفه ظروفه الماديه تمام بس مسـألة انه مايحب السوق
انتي وشطارتك ,, تعاليله بوقت هدوء وجلسة صفاء وتبسمي وانتي تتكلمين واهم شي خاطبيه بصيغه حلوة اهم شيئ ماتكون صيغه امر (الرجل مايحب زوجته تأمرهـ)
قوليله انا محتاجه اغراض من زمان ناقصتني ,,وقوليله كم غرض ناقصك ,, وقوليله انا مقدرهـ ظروفك طول الشهور اللي راحت ,, بس بجد حاليا حييييل محتاجتها لاني من زمان وانا محتاجه ككذا وكذا وكذا وتقديرا لظروفك صبرت ,,
(وبعدها اسكتي ولاتطولين الجدال بالموضوع ذا)
اهم شي انطبع عنده بعقله انه انتي محتاجه وصابره الشهور اللي راحت عشان وضعه ,,
(هو هنا راح يتعزز عنده فكرت انك الزوجه الصبورة على ظروفه >> فكرهـ إيجابيه عنك ومن صالحك)
بعد كذا ماراح يكون رافض السوق كليا زي قبل ,,
واول مايستلم الراتب ارتزي عندهـ بإبتسامه وقوليله اذا انت فاضي اليوم او بكره شوف الوقت اللي يناسبك بنزل السوق نص ساعه بس واشتري الاغراض اللي ناقصتني ,, وروحي من عنده
اهم شي تطبع عنده انك حاطه ببالك انه بيوديك السوق ,,
وبعدها بساعه ارجعي (طبعا اذا ماقالك متى بتروحون)
وقوليله متى تفضى ,, واذا رافض حاولي تناقشين بهدوء انك حييييييل محتاجه هالاغراض ,,
اما من ناحيه انه ينكد عليك بحجابك ,, لا حبيبتي انتي غلط تفكيرك عنه ..
الرجل بطبيعته غيور ويعبر عن غيرته بشده ونبرهـ حادهـ
وطبيعي ان الرجل يقول غطي عيونك ,, تستري ,, لاترفعين صوتك
(هذي صفه بجميع الرجال .. عادي ,, وتختلف الغيره من رجل الى رجل )
حاولي تقرين فسيولوجيه نفسية الرجل وراح تعرفين تتفاهمين معه وراح تفهمين تفكيره ومن وين تدخلين له بأي شيئ تبينه وراح تمشي حياتك بهدوء وسلام بإذن ربي ,,
(بإذن ربي عن قريب راح انزل آدم وتعامل حواء معه )
بعدين انتي انظري لإيجابيات زوجك قبل تنظرين سلبياته
اول شي احمدي ربك انك متزوجه ومو عانس ببيت اهلك
ثانيا احمدي ربك انك متزوجه ومستقره عاطفيا ونفسيا
لانو الزواج نعمه كبيره من ربي واستقرار عجيب للعاطفه والنفس
ثالثا زوجك اشوف مابينك وبينه مشاكل وهذا شي حلو
(الغيره مو صفه شينه بالعكس صفه حلوة)
الصفه الشينه هي الشك ,, لو زوجك يشك فيك انك تكلمين واحد من وراه ولو يشك انك تطلعين من وراه مع واحد
هنا هي المصيبه لانو الشك زي السوسه ينخر لين يهدم كل شيئ ,,
انتي خذي ورقه واكتبي ايجابيات زوجك وسلبياته وشوفي من يرجح ..
صفات الزوج الإيجابيه مثل :
محافظ على الصلاه . يعامل اهلك زين . يحترمك قدام الناس . يشبع رغباتك النفسيه . حوار متواصل . يساعدك بشغل البيت . يحترم ضيوفك . يوصلك لزيارهـ صديقاتك أو أهلك . يثق فيك . يحسسك أنك مهمه بحياته . مايطلع أسرار البيت . كريم معك . ....الخ
صفات الزوج السلبيه مثل :
البخل . الشك . احتقارك . يكرهـ أهلك ولايحترمهم . مايحترمك أمام الآخرين . الحوار السيئ بينكم . ألفاظه الشينه . ...الخ
ــــــــــــــــــــــــــــــ**ــــــــــــــــــــــــــــــ**ـــــــــــــــــــــــــــــــــــ
(الرسالهـ الثالثهـ)
السلام عليكم ورحمة الله وبركاته

سعدت كثيرا عندما قرأت حلولك للمشاكل ,
لأني من زماااان وأنا أبحث عن شخص عاقل وملتزم أستشيره في مشكلتي
أتمنى عزيزتي أن تقرأي مشكلتي
حفظك الله وسدد خطاك للحلول المناسبة لكل مشكلة تطرح عليك

مشكلتي قصيرة وربما من يقرأها يقول إنها تافهة
لكن والله إنها تؤرقني

أنا لدي ست أولاد وبنت وحدة بالسابعة من عمرها
بيتي دورين , الإهتمام بالأطفال علي ,التنظيف كله علي من إلى
(السيراميك كنسه مسحه-الترتيب بين الفينه والفينة-تنظيف دورات المياة-غسل الملابس
الكوي -الطبخ -تدريس الأولاد -بنتي بالتحفيظ تبي لها وقت كبير لتحفظ)
طبعا أنا حاليا ماعندي شغالة
وزوجي يكره وجودها لكن لا يرفض أن استقدم
وكل ماجبت شغالة أحس بتأنيب الضمير, ليه ما أقوم بأشغال البيت بنفسي
علما أني إذا صار عندي شغالة ماتطبخ أبدا ولا لها علاقة بالأطفال
فماهي نصيحتك لي
هل تنصحيني بجلب خادمة أم أن استمر بدون خادمة
وهل فعلا نساء النبي لديهن خادمات وهن ليس لديهن أطفال
**ملاحظة أنا عندي غسالة ملابس اتوماتيك ,ومجفف ملابس ,وغسالة أواني**
بس مع ذلك أحس إني منهكة جدا ,ولا أجد وقت للراحة إلا قليل
والأشغال لا تنتهي..
ولدي أمراض في العظام والمفاصل
ولكن مرضي ولله الحمد لا يمنعني من أشغالي
وأنا حاليا أقرأ البقرة يوميا وأسبح بسدر , بناء على توجيهات الشيخ
وأخيرا أسأل الله العظيم رب العرش العظيم أن يلهمك الجواب المناسب لي ولغيري.
وجعل مجهودك في ميزان حسناتك ,وأسعدك في الدارين ..


الحل:
وعليكم السلام
حبيبتي اذا تبين الجد
ماأنصحك تقدمين على شغاله
لانا راحه للبدن وشقاء للنفس :44:
(الشغالات شر لابد منه >> للموظفات طبعا
وحاسه فيك انك تعبانه والبيت كبير ,,
لكن انتي حددي يومين بالأسبوع لتنظيف السراميك مثلا الاربعاء والاحد
ويومين بالأسبوع لغسيل جميع الملابس مثلا الجمعه والثلاثا
وخلي المواعين والطبخ هي شغلك اليومي
وحاولي وانتي تشتغلين تستغفرين بنية ان ربك يسهل عليك الشغل منها فائدهـ دنيويهـ ودينيهـ ,,
وهناك دعاء يغنيك عن الخدم ,,؟
اشتكت فاطمه الزهراء لعلي بن ابي طالب طلب خادم لما تلقاه من مشقه بحياتها الزوجيه من طحن وطبخ وتنظيف البيت الى اخرهـ فقال علي اذهبي الى رسول الله لكي يعطيك خادم من السبي فذهبت للنبي صلى الله عليه وسلم فقال لها النبي صلى الله عليه وسلم آلا ادلكما على خير لكما من خادم (اذ اؤيتما الى فراشكما فسبحا ثلاث وثلاثين ,واحمداللله ثلاث وثلاثين ,وكبر الله اربعا وثلاثين , ذالك خير لكما من خادم)
وكثير من الأخوات قرأت لهن قد قامن بتطبيقها يقومن الصباح بكل نشاط ودون تعب ,,
**ــــــــــــــــــــــــــــــــــــــــ**ـــــــــــــــــــــــــــــــــــــــــ**
دمتم بـــود :26::26::26:
ملحــــوظهـ هـــــآمهـ :
حبيبآتي إي أخت عندها مشكله سواء خاصه أو عاديه (ياحبذا تذكرها خاص) لأنها راح تآخذ راحتها بذكر التفاصيل ,, وراح انزل مشكلتها بدون ذكر الإسم (للفائدهـ),,
وكلي آذان صـــآغيهـ لكم ,, وصدري مفتوح لكم بأي وقت ,, أنتظر رسائلكم بالخــآص ..؟؟