رد على ..عاجل علاج للسرطان و16 حالة كتب الله عز وجل الشفاء

السلام عليكم ورحمة الله وبركاته


أسأل الله العلي القدير الشفاء العااااجل لكل المصابين بالسرطان ولأمي شافاها الله بقدرته عاجلا غير اجل

قرأت موضوع للأخت ( أحلى من العسل ) جزاها الله خير بعنوان :


عاجل علاج للسرطان و16 حالة كتب الله عز وجل الشفاء .. هذا الموضوع


http://forum.hawaaworld.com/showthread.php?t=3926281

والبعض سأل اذا في احد استخدم العلاج .. وحبيت ارد بموضوع للفائده

نعم .. امي مصابه بورم سرطان الثدي لكن لم تبدأ بالكيماوي او اي علاج اخر ..رفضت تماااما وخرجت من المستشفى الله يشفيها بقدرته

ومن ثلاث شهور بـ شعبان 1434هـ ارسلت للشيخ بنفسه مش مندوب .. وشرحت وضعها وحدد وقت اتصل وخليت امي تشرح حالتها

وقال تجي الرياض او عنيزه وهو يرقيها بنفسه ويشوف اذا بها اعراض العين او شي .. لكن ماقدرنا نذهب لانها راحت عند راقي واستخدمت امور كثييره لعلها سبب بعد الله للشفاء ..
وطلبت ان يعطيها العلاج لأنها لاتستطيع الذهاب .. وقال لها اذا ماتقدري تدفعي الـ 800 ريال تاخذيها لوجه الله

امي راحت اكبر المستشفيات بمنطقتننا .. سعد الصانع .. واسطون ووو كثيير حكومي واهلي وخسرنا كثيييير على مراجعات ومواعيد لأنها كانت خايفه وبتتأكد وغير الرقاة والمبالغ حق العسل والاعشاب والزيوت ..
فقالت له اقدر ادفع نص المبلغ عشان طبعا ( عسل وزيت) قال لا أبد خذيها ومانبي الا الدعاء ..

ووصت احد من اقاربنا هناك يواعدهم وياخذ العلاج ثم يجيبه لنا .. وواعده المندوب بمكان او سوق شعبي ما ادري وين .. وقا له ان يكلف 800 ريال فقال له الشيخ قال بيعطينا اياه بدون اي مبلغ !! وهو فعلا مامعاه المبلغ .. فقال لا.. لازم تدفع .. المهم دفع واستلمنا العلاج

انا انقهررت من الحركه احرجنا قدام الرجال لان وضعه بسيط وما ارسلنا له المبلغ وقلنا له اكيييد مجاني لايشيل هم وانحرج ورجع يدبر المبلغ لهم .. ارسات للشيخ عتب وقلت له احنا من البدابه بندفع بس انت اصريت لله .. لاتواعدون الناس بشي ثم تغيرون كلامكم !!! المهم اعتذر الشيخ عن اللي حصل من المندوب ..

استخدمت امي العلاج واستمرت لحد ماخلص

غرشة زيت فيها خلطة الاعشاب يندهن به .. والعسل كمان به اعشاب لازم تخلطه كل مره لان داخله اعشاب تكون في القاع .. وحجمها المعروف العادي اللي فيه قفل وهي قزاز ..

المهم سألتها اذا في تحسن تغير او شي .. لكن مالله كتب .. قالت مافي شي تغير .. وهي مستمره عالرقيه الشرعيه من شهور وتعمل هالاشياء سبب ..

وبكره باذن الله بتروح تختمها بعمره وتدعي ربها يشفيها ولما ترجع بتدخل المستشفى تفحص ..

وباذن الله ماتحتاج كيماوي ولا غيره .. الله يشفيها من عنده ..

دعواااااااااااااااااااااااتكم لها

هذي تجربتنا بكل امانه .. بالاضافه الا انها مستمره على فاكهة السرسب غااليه جدا تطلع لها ثلاث حبات يمكن ب120 واحيانا اكثر او اقل شوي من الدانوب .. ولها شهور تستمر عليها .. لأن قالوا انها تقتل الخلايا السرطانيه ..

ما ابغى احبطكم بس ظاهريا الورم مافي اي شي متغير .. بس يمكن يكون من داخل ماتت الخلايا !! الله اعلم .. هالفتره بتدخل المستشفى ويفحصونها ويبين كل شي

ولا اوصيكم اهم شي النفسيه للمصاب لاااازم تشجعونه وتحسسونه بالامل داااايم

سبحان الله وبحمده .. سبحان الله العظيم

لاتنسوها من دعااااكم