ياحبيبتي ماختلفنا على كلامك ان المشكلة تكمن في انفسنا
ومتى ماصحلت النفس صلح المجتمع
لكن كيف تبغين من شاب درس وتعب واجتهد وجاب نسبة عالية بالثانوي وبالنهايه وبسبب فيتامين واو يقبلون اللي اقل منه بالنسبة ويمكن يكون بالدف تخرج من الثانوية
كيف تبين الواحد يكون متفائل وهو اذا جا يتعالج قالو عندك واسطه ادخل ماعندك الله يفتح عليك والدوله تصرف مليارات الريالات على القطاع الصحي
كيف تبين الواحد ينتج ويبدع وشهاداته مانفعته وتلقينه ومن دائرة لدائرة يدور على وظيفة وبالنهاية خريج متوسط ياخذها لان عنده فيتامين واو...بالله عليك الخلل هنا منه ولا من الفساد
كيف تبين الواحد يكون عنده ثقة بمجتمعه وهو شايف ان كل الطرق مسكرة بوجهه لا وظيفه ولا بيت ولا مستقبل..
يعني حتى لو فكر يشتغل اعمال حره بيتبهذل عشان ياخذ الفسح واللي بالي بالك يجيه الفسح لحد بيته
كيف تبين الاب يتعايش مع وضعه وهو مو لاقي بيت يلمه هو واسرته لان موضوع البيت صار حلم صعب صعب المنال بسبب اصحاب الشبوك اللي مقسمين الاراضي على كيفهم...حتى الاجارات بالطالع ومافيه جهه تراقب تجاوزاتهم..حتى السلع الغذائية بأرتفاع فاحش والتجار يتلاعبون بالتسعيرة ولا وراهم وقانون يردعهم
كيف تبين المواطن يتفائل وهو يشوف اللي يختلس ملايين مايتحاسب وفوق كل الشبهات
كيف تبين الواحد تفائل والمدارس عندنا مستأجره بشقق غير صالحة للكم الهائل من الطلاب..والطالب وحظه لانه ممكن يدرس سنه كامله في مطبخ او في السطح او في فصل خالي تماما من الشبابيك
حنا مانلوم الدوله لان الدولة وفرت ميزانيات هائلة لكافة القطاعات
لكن مع الاسف من اللي مؤتمن على هالقطاعات وهو لايستحق الامانه لانه حرامي مع مرتبة الشرف
طيب يالغاليه..قولها لك من واقع...انا تربيت احسن تربيه ولله الحمد وابنائي ربيتهم احسن تربيه لانهم امانه عندي ورعية وكلكم راع ومسؤل عن رعيته
لكن بكل اسف اجد ان الواقع مرير مرير واقولها بكل حرقه
_لامستشفى نتعالج فيه..ووصلنا اننا احتجنا سرير لاجراء عمليه مهمه ولكن مع الاسف لم نجد سرير..وقريبي شارف على الموت ورفضو دخوله للمستشفى الا بعد ان يدفع 60 الف مبدئيا..وبعد مايأس من جميع المستشفيات اضطر يروح لمستشفى خاص
_لامدرسه تؤمن للطالب ادنى مستويات السلامة..بالله عمرك شفتي فصل بدون شباك...يعني لو لاقدر الله صار شي كيف بيكون مصير 40 طالب
_لا امن يعني لما عيالك يطلعون من البيت تضلين ماسكه قلبك لين يرجعون...خطف..السرقات اللي انتشرت بشكل مخيف..سيارات محلات بيوت..ومافيه حاره ولا بيت الا ويعاني من هالمشكلة..وين العقاب وردع كل من تسول نفسه العبث بأمن البلد والمواطن..وين القانون اللي يطبق عليك وعلى اكبر مسؤل بالدولة...مع الاسف القانون يطبق على الضعيف والكبير ياكل ويسرق وينهب..وقالو للحرامي ليش تسرق قال مافيه من يردعني
يعني انتم تظنون ان البلد بيصلح وغيرك يفسد..تظنين ان الشاب بينتج ويكون عنده حس وطني وهو ما اخذ ابسط حقوقه من تعليم وعلاج وحماية وعيش كريم
تنظين انه بيكون عنده تفاؤل بعد ما انهارت كل احلامه بسبب ان زميله الكسول على مقعد الدراسه نجح بالغش والرشوة ودرس الجامعه بالواسطه وتوظف بالواسطه ..وبالنهاية نطبطب عليه ونقول ياعمي خلك حرك وطموح الوظيفه ماهي كل شي رح اشتغل سباك ولا بمطعم الشغل مو عيب!!
بالنهاية اقول..انتو لما تجون تدافعون نتمنى انكم تراعون الله في ماتقولون..ترا كل كلمه تكتبونها مسؤلين عنها امام الله
يعني كافي تطبيل للمفسدين..وطنا محد يقدر يساوم عليه والقضيه ماهي قضية دولة وشعب
القضية قضية فساد داخلي مستشري واذا ماوقفنا انا وانت وغيرنا واصلحنا ذواتنا وكشفنا الستار عن كل عابث ومختلس لاتنتظرين من الحال انه ينصلح
دولتنا والله مارح تتغير مالم يتم فيه فضح المفسدين والمطالبة بمحاسبتهم الكبير قبل الصغير

اللهم من اراد بنا سوء فاشغله بنفسه ورد كيده بنحرره

شاكرة لك

صادقه ياقلبي

اللهم ادم علينا نعمة الامن والامان يارب وفرج كربة اخونا السوريين من هالطاغيه النجس بشار

حمدلله حنا بامن وامان وصحة وعافية الله يديمها علينا

وجزاك الله خييير