رد على موضوع اخت الزوج

ونسيت اضيف اني فعلا اغسل(خلاقين)اخته لما تجيني
مع اني ما ادري اش يعني خلاقين لكن من الكلام فهمت انه معناها ملابس
المهم
انا اغسل ملابسها مع ملابسي
وبعد كم سنة صارت لما تجي هي تغسل ملابسنا مرة وانا مرة
لانها كبرت وصارت تعرف تغسل
وكمان حكاية الغزل واذا اتغزل زوجك نبهيه انه اخته موجودة
اصلا -نفس كلامي السابق-اظن لكم بيت تتغزلز فيه
واقسم بالله لو اخوك قعد يتغزل في مرته قدامكم كنتي حسيتي اقلها بالحراج
فضلا عن الام اللي تشوف وتسكت
وبكرة حتصيري يا حلوة ام زوج وتفهمي اش يعني ولدي يتغزل في مرته قدامي---قمة السخافة
برضه على حكاية الاسرار
يعلم الله انها تقوللي ادق اسرارها
والحمدلله قدرنا نحل كتير من مشاكلها ومن بيتي ودون علم اهلها
والله اني احبها زي اختي
وهي صارت صحبة اختي ودايما مع بعض
واحيانا لما تزعلني لو زعل صغير
تقعد تبوسني في راسي عشان ارضى
وانا ما اخليها اسحب راسي منها
وعلى موضوع اني اكفيها شغل البيت
انا اخليها تسوي معايا اذا جات المطبخ
واذا راحت الغرفة ما اناديها لانها ضيفة فعلا
ودايما الهدايا متبادلة بيننا
ولما تصير عندي مناسبة البسها من ملابسي اذا ما جابت لبس
ويعلم الله اني ما اقول الكلام دا رياء او ابغى مدح
لكن بس ابغاكم تشوفو اش نتيجة الاحسان
تعرفو ابو زوجي مرة قاللي كلمة ما زالت ترن في اذني لليوم
وهو مو ابوها لانها اخته من امه
قالي
والله انك بنت اصول ومافي زيك
الله يجزاك الجنة على اللي تسويه معاها
حتى هو(زوج امها)حكته عني وانها تموت في
بالله في احلى من دا الكلام
وفي افضل من هذي الشهادة اللي افتخر فيها؟؟؟؟!!!!
واقارن حالي مع اخت زوجي
وحال مرة اخويا مع اختي
اللي كلنا انا واخواتي المتزوجات
صرنا نعاملها كغريبة وما بيننا الا الرسميات
من اللي تسويه في اختي
كانت اول ما اتزوجت اخوية زي العسل وكنا زي الاخوات
الين ما ادري مين عبى مخها وصارت تحط حواجز كتيييييييييييييرة بيننا
وهي اختارت تصير غريبة عننا
ودحين صارت تمل ودايما تقول انها وحيدة ومسكينة ومحد يسال عننا
ونسيت كيف كانت مبرطمة معانا طول الوقت
وتمسك اخوية وتخرج كاننا حنسرقه
ماعلينا
هي اختارت
وخليها تتحمل نتايج اختيارها

شوفي في منهم بنحط ع الجرح ببرا وفي منهم والعيااااااذة بالله ولا حول ولا قوة الا بالله

ماشاءالله عليك تبارك الرحمن

الله يحرسكم ويديم محبتكم ..

احب اهل زوجي لدرجه مدري كيف << مو عارفه تعبر ههههه

بالعكس احب دايم اوصيه عليهم خير .. واتمنى لو اخوي يعاملنا انا واخواتي وماما بكيذا معامله وعشان كيذا انبسط كثير لما اشوف زوجي حول اهله يداريهم ..

روزال حبيبتي
اهل زوجي هم اهل زوج سلفتي
لكن اخواته يحبوني
ويكرهوها
ويفضلوني عليها
ومشاكلهم معاها كتيرة
طيب ما يرجع للمعاملة من الاساس
انت تقدري تربي الغيرة في قلوبهم منك
او تربي الحب
وجزاك الله خير على الرد



اختي موكا
الله يخلي اخوهم لهم ولي
ودايما اقول في نفسي اني انا الداخلة عليهم
وهم الاصل
الله يجزاك خير على الرد



فين باقي الحلوين

خاصة اللي ناصرو الموضوع الاستهزائي للنصايح؟؟؟؟!!!!!!!

الله يهدي بالك يا رب ردي لم اكن اقصد فيه شخصك الكريم ولكني كنت اتحدت عامة..


والله يكثر من امثاااااااااااالك الطيبة