رد لموضوع ... للدلوعات فقط

السلام عليكم ورحمة الله وبركاته

كيف حالكم يا بنات وحريم حواء.... إن شاء الله بألف خير

بغيت أرد على الموضوع لأني جيت متأخرة كثير عليه وما قدرت ... قفل الموضوع

قلت ليش ما أكتب ردي للبنات علشان يستفيدوا من إلي عندي... يمكن ينفع

شوفوا يلي تريدوا تكونوا دلوعات....

:27:


ولأني أنا أخر العنقود فأمي الله يخليها كانت أكثر وحدة مدلعتني في أشياء كثير... ومن صغري... يعني والله حتى ملابسي أغلبها من البلدلن الأجنبية.. وأي شيئ أريده تسويلي إياه... بس طبعاً في أشياء كانت ما تسويها لي ... لأنها ما تناسبني كبنت

وكنت دلوعة المدرسة... ودلوعة البيت من أخواني وخاصة الكبير... وكنت دلوعة خواتي رقم 1 و 2 ... ورقم 3 كانت يعني مرات... بس رقم 4 كانت ما إتطيقني وتكرهني لين يومنا هذا... وكل ما صار شيئ يطيحوا في أمي كله منك دلعتيها بنتك دلوعة.... بس أنا كنت ما أحب أحد يقول لي دلوعة ما أدري ليش... كنت أشوف نفسي عادي وأحب البقية

وكنت من كثر ما أنا دلوعة كانوا بنات خالي وبنات عمي والغير يكرهوني ويتمنوا فرصة علشان ينتقموا مني...

لأني كنت الوحيدةمن بنات العايلة غير في كل شيئ... في لبسي في أكلي في مشيتي وفي كل شيئ

وإلي زاد الطين بلة.. كنت أدرس في مدارس خاصة وتعرفون إختلاط الجنسيات الكثيرة والتحدي ما بين البقية... وكنت دلوعة المدرسات لأني كنت شاطرة ومن الـ 3 الأوائل دايم... وكنت بالمدرسة كل يوم شكل... كل يوم نوع شنطة... كل يوم نو جوارب... كل يوم نوع جوتي ( الله يعزكم ) وكانوا كثير من البنات يكرهوني لأني دلوعة ... وأنا عاد مستغلة هذا الشيئ... ومن دلعي في كل شيئ ابكي وما أقدر أدافع عن نفسي... وعاد أكسر خاطر البقية إلي من حولي... لأن حتى في بكائي دلع مثل البيبي

وإستمريت في الدلع لفاية ما تزوجت

وزوجي يعرف إني دلوعة وحساسة ومن أدنى حاجة أتأثر... وهو يحب دلعي... ومن كثر ما أتدلع عليه ودلوعة... يقولي إنت ماصخة في دلعك... لكن أنا أستمر وما أتوقف عن الدلع

يعني أحب العب بشعري... أسوي تسريحات مثل البنوتات الصغار وأسوي حركات أنثوية .. لما أتكلم ولما أغازل زوجي ولما أمشي...

يعني مثلاً إذا مشيت فوق الحصى أقول ( أي ما أقدر رجلي تعورني )

واذا ما يعجبني شيئ أقو... إيش هذا ... بس بطريقة الدلع

وفي الأكل أحاسب على يدي على كل شيئ... وما أحب أكبب الأكل من يدي ولا أنفض يدي وقت الأكل ... واذا شفت حد يسوي كذا يا ويله مني... وعاد أكره حركة أكرها أشوف حد ياكل ويسوي صوت... والله إني أقوم من على السفرة ولا أرجع لها ثاني... وبكذا أنا دلوعة لأنه ما يعجبني هذي الشغلات


وصدقوني أشوف كثير من الحريم وقت الأكل ما يحاسبوا على نفسهم يكببون ويتكلمون والأكل بفمهم وأصوات وغيرها

وكذا يقولوا عني دلوعة

واذا بغيتي تتدلعني سوي كذا...

سوي تسريحات بسيطة بشعرك
ولما تتكلمي لفلفي عينك يمين وشمال ... بس شوي شوي... ودايم قول ي( أهم ... نعم ... لاه... صحيح... ما أدري... إن شاء الله ... لا تقولي o k ماصخة )
وقت الحمام ( الله يكرمكم ) خذي وقتك فيه ... صابون وليفة وبودي شاور وغير ( أنا زوجي يكرهني وقتدخولي الحمام وتأخرت ) ... تعطري وسوي كريم بجسمك وتبخري... ترى هذا يخليك دلوعة

انا اذا بغيت زوجي يجيب لي شيء أو يسوي لي شيء... شغل عناد... أناديه ( حبيبي... الله يخليك ممكن تجيبلي كذا وكذا ... بدلع ... واذا رفض أقول أرجوك... تعرف إني ما أقدر ... هم بدلع ) والله إنه يجي طيران يساعدني بس علشان ما أزيد من الدلع

واذا رحنا نتسوق... ما يجي معاي... أخذ بنات أختي وولدي أروح أتسوق... ليش لأني مملة كل شيئ أختاره أتفنن فيه وأدلع فيه ... وبكذا أتأخر كثير في الشراء

وعلى فكرة... الرجال يحبوا الحريم إلي يلبسوا الكعب العالي أو الكعب المتوسط... فإلبسي الكعب ... صدقوني


وشوي شوي راح الزوج يتعود عليكي وعلى دلعك



وأخر شيئ... أقولكم دلع من دلع.. مو متصخوها زيادة عن اللزوم... وتندمون بعدين


وتحياتي لكم...
شكوكو... أم الوليد




وراح أفكر لكم في أشياء تخليكم بعد دلوعات... إنتظروني لا تروحون بعيد:27: