القلب الكبير2011 @alklb_alkbyr2011

عضوة فعالة

رد ولدي على ابوه برد قلبي <<فديت قلبك ياحبيب امك>>

:27:السلام عليكم حبيبات قلبي الحوائيات:27:

كيفكم عساكم طيبين عسااااااه دوم يارب

هذا ياطويلات العمر سالفتي كالآتي:

زوجي المصون:arb:دائما يمزح معي بها المزحه اللي تقهر وترفع ضغطي وضغط كل انثى متزوجه على وجه الارض الا وهي ((شكلي بتزوج عليك ولا وش رايك اجيب لك وحده تونسك وتساعدك بشغل البيت وأنا أتشقق من الفرحه :)وأقوله ياليت <على بالي يقصد شغاله > ويقعد يضحك ويقول بشرط تكون بالحلال عاد هنا تقلب اخلاقي وازعل ويبدأ الموال المعتاد أنا وش قصرت فيه ياخاين العشره ومن هالكلام ......إلخ وهو فاطس ضحك :arb:

المهم في يوم من الايام قاعد زوجي يلعب ولدي <مودي>اسم الدلع <وعمره 4 سنين>

ويقوله <مودي وش رايك اخذ لي أم ثانيه بدل أمك طبعا الولد مااستوعب اول مره ويقول لابوه كيف تاخذ ماما ثانيه وعندنا ماما قال ابوه عادي ماما تقعد معكم وانا اخذ ام ثانيه:icon28:

قام رد على ابوه هذا الرد الصاعق ووالله بدون حتى تفكير بسم الله على قلبه ايش تتوقعون رد:

قاااااال:04:

قال خلاص ثمحتلك <يعني سمحتلك>تاخذ ام ثانيه وحتى ماما بخليها تاخذ أبو ثاني

صار زوجي كذا :06: من ردة الفعل ولو تشوفوني كيف فطست من الضحك ويقول زوجي عيب يامودي ماما مايجوز تاخذ رجال ثاني على بابا وهو مصر فديت قليه يقول ليش انت تاخذ ماما جديده حتى ماما تاخذ بابا جديد
برد قلبي الله يسعده من بعدها يقول زوجي توبه ماعادني مفكر بالزواج حتى لو بالمزح

ها وش رايكم ببراءة الطفوله وكل وحده عندها موقف مع اطفالها تذكره خلونا نستانس على هالبزران الله يحفظهم
ولكم كل الود والاحترام:26:

10K

يلزم عليك تسجيل الدخول أولًا لكتابة تعليق.

تسجيل دخول

عزوف الهلاليه • 13 سنة

ههههههههههههههههههههههههههههههه
الله يحفضهم لج ولا يوريج فيهم مكرووه عيني}ْْْْْْ~

عكس إتجاهك • 13 سنة

هههههههههههههههههههه ..

بعدي على ولدك لبى قلبه والله , الله يحفظه
والله يسخركم لبعضكم يارب "

وتطمني يابعد حيي الرجال اللي يقول بتزوج وبتزوج
تراه مب متزوج ..ههههههههههههه
أما السكوتي منه الموتي .. هههههههههههه

× تذكير ..
سبحان الله وبحمده ,
سبحان الله وبحمده ,
سبحان الله وبحمده ,
سبحان الله وبحمده ,

وردة بوك • 13 سنة

الله يحفظه لك
ماشاء الله تبارك الله
مو مثل بنتأختي الخبلة تقول لأبوها يابابا جب عروسة مثل زوجة خالي فهد

ببسي • 13 سنة

ههههههههههههههههههههههههه
يالبى قلبه
كفو

رواز • 13 سنة

الله يحفظه لك يارب
مثل بنت اختي قالت لاااختي جيبي لنا بابا ثاني بدال بابا لمن راح تزوج