اليوم حبيت اني اقولكم عن رز لذيذ جدا خصوصا اذا صار مع مرقة الكفتة اللذيذة بس للاسف نسيت اصور لكم المرقة لكن حبيت انكم تجربون هذا النوع من الرز لان تغيير عن الرز المعتاد وطعم بصراحة ولا اروع حتى ان كل من ذاقه اعجب فيه 0الرز هذا رز البرتقال وبحق النكهة رهيبه 0
المقادير :
جيلة رز اي كوبين مغسول ومنقوع بماء حار
عصير برتقالة مع بشر القشرة الخارجية 0
بصلة صغيرة مفرومه
قليل من الزعفران وقليل من صبغ الرز او صبغة الزعفران0
ملح وماء حسب الحاجه
الطريقه :
اضع قليل من الزيت في القدر والبصل واحمس حتى يذبل البصل ثم اضع الرز و بشر البرتقال و العصير و الصبغ والزعفران واحركه قليلا ثم اضع الملح والماء واتركه حتى يستوي الرز ويقدم 0
طبعا انا وضعته بقالب الكيك ثم قلبته فكان هذا شكله النهائي وعليكم بالعافية واتمنى انكم تجربونه طبعا الريحة تدوخ وانا احس ان صدري ينشرح لما آكل الرز هذا ليش ما ادري ؟؟؟
واشرايكم بالشكل وطبعا الطعم خييييييييييييييال
طيب قشرة البرتقال احطها معه وشلون لاني والله مافهمت عليك ؟؟
وجزاك الله خير .