وحشتونى موووت واشتقت انى اخترع اكلات وانزلها من زمااااااان مااخترعت شى مافى غير التقليدى العادى
بس ماادرى هل انتو متذكريننى او اشتقتولى
المهم اليكم الصور بفلاش وبدون ثم الطريقه ان شاء الله
الطريقه
كشنت البصل وفلفل رومى بزبده وزيت الين دبلو اضفت التوم والزنجبيل بعدين اضفت مكعبات البطاطس وخليتهم شويه على ناار هاديه واقلب بعدين اضفت طماطم مكعبات وبعدين اضفت جزر مكعبات وكوسا وكرنب شرايح رفيعه وفلفل حار قرون بكبره الى يحب الحار يقطع الفلفل او يشقها
وقلبتهم الين نشف شويه اضفت له قليل مويه ومكعبين ماجى وفلفل ابيض وقليل كمون ولمن شرب المويه اضفت الجمبرى وقلبته شويتين لمن استوى اضفت ملح وسكر وشويه دبس رمان وشويه صويا صوص وببركا وكركم وقليل صلصه طماطم
بعدين كشنت بصله بزبده وزيت واضفت لها توم وقلبت معاهم الرز المنقوع قلبتهم شويه بعدين اضفت مكعبين ماجى مذوبين فى كوب مويه وزدت مويه مناسبه لكمية الارز وضفت ملح وكركم وقليل قرفه ناعمه وسكر
لمن يستوى اغرفى الارز وفوقه الخلطه وزينيه بالبصل المقلى
عملت جمبه سلطه خضرا وذره مسلوق مسلوق مضاف اليه خل وملح وسكر يكون ضعمه حلو حااادق يجننننننن استوحيت طريقته من فندق الماريوت فى جده
جربوه مرررررره لزيز وغير وادعولى
وهذا طبق لاول وحده وثانى وحده ترد
الثانى بالفلفل
وبالهناء والعافيه
ولكم فااااائق احترامى