رز بالحليب 000

Om Rawan *japan :

السلام عليكم طريقة الارز باللبن بسيطه جدا حبيبتي انقعي حوالى فنجان ارز مصرى لمده لا تقل عن نص ساعه ضعى الارز بعدها فى حله وعليها شوية ميه مش كتير وحطيه على النار وكانك بتسلقى الرز وكل ما الميه تقل زوديها لحد ما تحسى ان الرز بدا يستوى ومش بياخد وقت يعنى حوالى 10 دقايق بعده تكونى مدوبه حوالى 3 معالق نشا في نص كوب ماء وتضيفيها للرز مع اضافة اللبن المحلي بالسكر حسب الرغبه انا في الحقيقه مش بعايير اللبن لكن ممكن تبدئى بكوب واحد وتقلبى لغاية ما يبدا اللبن يربط واذا لقيتيه ربط اوى وكان قوامه سميك , زودى لبن كمان لحد ما يكون القوام مناسب بعد ما يبدا يغلي ممكن تضيفى قليل من الفانيليا لو حبيتي وبكده يكون الارز باللبن جاهز حطيه في الاطباق ورشي عليه شوية قرفه وجوز هند وزبيب , وده طبعا حسب الرغبه لكن بيدى طعم وشكل حلو للطبق وبالف هنا عليكى احلى طبق رز بلبن واي استفسار انا موجوده

السلام عليكم طريقة الارز باللبن بسيطه جدا حبيبتي انقعي حوالى فنجان ارز مصرى لمده لا تقل عن نص...