كيفكم يا أخواتي انا رح اقدملكم غدانا لليوم رز بالخضار المشكلة مع الصلصة الحمراء وان شاءالله ينو اعجابكم الكمية على قدنا يعني صغيرة (جدية الأخت)
بسم الله نبدأ
المقادير كوب رز
دجاج
خضار مشكلة (بازيلا بطاطا فاصوليا ذرة جزر) مقطعة( انا ماكان عندي جزر)
بصلتين
ملعقة صغيرة الا ربع كمون
نصف ملعقة صغيرة بهارات مشكلة
رشة فلفل اسود
3 حبات هيل
مكعبة ماجي
زبيب
ملح
زيت
الطريقة:
نضع كمية من الزيت بالطنجرة وبنحمر الدجاج من الجهتين
بنقطع البصل جوانح وبنحمرهم بنفس الزيت اللي قلينا في الدجاج وبنشيلهم من الزيت
بعدين بقلي الخضار المشكلة بنفس الزيت وبنشيلهم مش شرط انهم يتحمرو المهم تستوي الخضار
بعدين بنقلل من الزيت اللي قلينا في وبنحط الدجاج وبنحط عليه ماء و مكعبة الماجي بنسلقو حتى يكمل استواء
بطنجرة ثانية بنحط البصل ثم الخضار المشكلة
ثم نضع الرز والبهارات
بعد استواءالدجاج نضع مرقة الدجاج على الرز و بنصف الدجاج فوق
وبنحطو على نار علية حتى يصل مستوى الماء لمستوى الرز بنخفف النار بنخليه على نار هادية حتى الاستواء
بنعمل الصلصة
بنقطع 4 اسنان ثوم وبنقلبهم بشوية زيت حتى يصير لونهم أشقر
بنحط بالخلاط 3 حبات بندورة مع قطعة صغيرة من الفلفل الحلو أو حار وابنخلطهم بندير الخليط على الثوم وبنحطو على النار بنحط ملعقة كبيرة ونصف صلصة بندورة و نصف فنجان قهوة ماء وبنحركهم وبنخليهم حتى يتسبكو بنشيلهم عن النار
بعدين بنحط ملعقة صغيرة شطة حمراء سائلة وبنحركهم (اذا حسيتي انها الصلصة ثقيلة زيديها شوية مي)
وهاي صورة الرز لما قلبتو وزينتو بالزبيب
رووووووووووووووووووعة