سلقت اللحم مع بصله بكبرها(هذى الحركه عجبتنى تشيل ريحه الزفره) وبهارات صحيحه (هيل قرفه قرنفل شيبه فلفل اسود)
كشنت بصل وثوم وزنجبيل(مانحط زنجبيل فى الكابلى) واضفت الخضار
بعدين اضفت لهم اللحمه المسلوقه
بعدين اضفت نصف كميه مرقه اللحم وشويه مويه وملح وكركم وصلصه وبشر برتقال(ماعندى حطيت ليمون)وزعفران منقوع فى فنجان ماء كادى
على ماتستوى الخضار نسلق الارز بباقى مرق اللحم
لمن تتستوى الخضار شوى نضيف الفلفل وملح اليمون
لمن تصير مرقه الخضار قليله نضيف الارز فوقهم
وهذا منظره بعد مااستوى ونضج وكله تمام
مع سلطه لبن وخيار وكاسه عصير ليمون بالنعناع وااااااااو
الله الله على الروايح الله الله على الطعم شىىى ماشاء الله
طبعا الارز الاصفر اذا تبغوه اكثر من كدا خلو المرقه اكثر
الكابلى نفس الطريقه لاكن مو خضار فقط بطاطس
وانا سلقت اللحمه من بدرى وصفيتها واتخلصت من الدهون الى فيها كلها
واكتفيت بالبهارات الى فى ماء السلق الى تبغى تضيف بكيفها وانا اشوف انه كافى
الفلفل الى تبغى الاكل مفلفل تحطه مع الكشنه من البدايه
وبالعافيه علكيم والى ماتجربه هى الخسرانه
لكم فائق احترامى
