هذا رز سوته خالتي وتقول انه من بنات افكارها وطبعا انا كالعاده اخذ منها الطريقه واسويه احيانا يطلع زي طبخها احيانا اشين واحيانا احم احم :35: يصير ازين
طبعا هذي احد الاطباق اللي قلدتها فيها وتفوقت عليها مداح نفسه يبي له رفسه :024:
بسم الله نبدأ
المقادير
دجاجتين مقطعه بالعظم
اربعة كاسات رز
بصل وثوم مقطعه طولي وفلفل حار مفروم وبهارات حب
قرفه+هيل+مسمار+ليمون اسود
مكسرات منوعه وتحمص
صنوبر+لوز مقطع+لوز مبشور+ زرشك* وهو الأحمر الظاهر في الصوره
بهارات مطحونه +ملح اجي+لون اصفر الخاص بالطعام+4 ملاعق كبيره خل+عصير نصف ليمونه
يتبع
الطريقه:
نسلق الدجاج في ماء وملح وبعد كذا نشيله من المويه ونحطه في زبديه وتكون بغطاء ونحط فوقه الخل والليمون وشوي ملح وبهارات ولون اصفر ونخليه فتره لين نسوي الرز
زي كذا
بعد كذا نصفي مويه الدجاج ونتأكد من ملحها ونحط زيت عشان الرز وحطي الرز عليها واسلقيه بالطريقه العاديه
في هالاثناء احمسي البصل والثوم والفلفل والبهارات الحب لين يذبل البصل
بعد مايذبل البصل نحط الدجاج فوقه ونرش فوقه بهارات ولون اصفر زياده
زي كذا
ونخليه لمدة عشر دقايق على نهار هاااااديه جداااا
بعد كذا نحط الرز فوقه ونخليه لمدة خمس دقايق
وبعدها نصير ندخل الملاس وننبش الرز من تحت لفوق <------ نسيت اصور لكم
وبعدها نقلبه في صحن التقديم
ونرش المكسرات فوقه وبالهنا والعافيه
ملاحظه:
الزرشك* هو حب الرمان المجفف ويوجد في المحلات الإيرانيه
واتمنى تجربوها وتعجبكم :)