صج الطبخ فناتك وحابة اوريكم فناتكي اللي طلعت بها هاليومين ,, وخصوصاً لصرت محتارة ايش اطبخ ,, تطلع الفناتك العدله ...
مثلاً اليوم غدانا طلعت ربيان احترت وش اسويه وش اسويه فتحت درج البصل لقيت بصل فتحت درج الجزر لقيت جزر فتحت درج الفليفلة لقيت فليفله _ قلت طيب الحمد لله الخير موجود بس وش اسوي الا جات الفكرة براسي وولعت اللمبة ,
,فنظفت الربيان
وقطعت ما وجد لدي من خضار ,, ونقعت الربيان في ملعقتين روب وملعقتين كاتشاب وعصير نص ليمونه وملح وبهارات ( كمون ,, كزبرة مطحونه ,, دارسين ,, وبزار وليمون ,, ونص مكعب ماجي ) وخليتها منقعة مدة ساعتين ..
حمست الخضار في شوية زيت ,,
اضفت الربيان كله بالخلطة كلها ع الحمسه ,,
حركته بالملعقة وغطيت المقلى بالقصدير وخليته لمن ينشف الماي وطيت النار عليه ,,
وعلى ما ينشف جهزت قدر الرز وغسلت الرز وصبيت عليه الماي فوق الرز بمقدار 2 سم واضفت بهارات عدله مع فلفل حار مع ملح مع زبدة وخليته لمن يغلي ويوم غلى وقرب ينشف وطيت النار عليه ..
وعلى ما ينشف ماي الرز فتحت مقلى الربيان وشفته نشف ,,
بعدين فتحت قدر العيش وشلت نصه على جنب ,, وخليت نصه الثاني في القدر وحطيت الحمسة وعدس اخضر سلقته وحطيته فوق الحمسه ,,
خلطته مع بعض وحطيت نص الرو الابيض من فوق وصبيت عليه شوية زعفران منقوع بالماي ,,
غطيته عشان يترسى ويتطاير بخاره عدل ,, وفي هالأثناء قطعت بصل شرائح وحمسته مع صنوبر عشان ازين بيه الوجه ,,
حطيت الرز بصحن التقديم بعد ما استوى وزينته بالبصل والصنوبر ,,
وصورة اخرى ,,
وصورة عن قرب ,,
واكلناه هنيئاً مريئاً ,,
فقطعت بصل ناعم جداً مع فليفله ناعمة جداً مع كزبرة ناعمة جداً واخلطها مع اللحم واضيف الملح والبهارات وبيضة وحده وخبز صامولي وحدة وبصراحة بصراحة ملعقتين روب ,, وخلطهم مع بعض
بعدين قطعت بصل وفليفة مرة ثانية وحمستهم على النار مع الطماط والطماط الصلصة وبعد ما تسبك عدل ,, بديت احط اللحم ,, اكوره واحطه واكوره واحطه واكوره واحطه لمن خلص اللحم ,,
بعديت غطيته شوي عشان يتماسك اللحم عدل من فوق وتحت ,, بعد ما تماسك صبيت عليه ماي كافي لطبخ الرز ,, وخليتها يتسبك مدة نص ساعة ,, بعدها كبيت الرز بس هااه انتبهوا على الكور لا تخترب معاكم .. والا اذا خايفين تخترب رفعوها من المرق قبل لا تكبون الرز وسووا الرز وتالي حطوا الكور فوق الرز ,,
انا كبيت الرز مع الكور مرة وحدة بس انتبهت لهم ,,
خليت الرز استوى وحطيته بصحن التقديم ,,
وعذراً ما زينته لان الجوع يقولون كافر ,, زين لحقت اصوره وهو ع السفرة ,,