رز بالشعيريه لذذذذذذذذذذذذذذذذيذ جداً

عندي لكم طريقة عمل الرز بالشعيريه :
المقادير:
1بصل مفروم
1طماط مع فصين ثوم مع شوية كزبره مفرومه مع بعض
1دجاج
علبه ماجي
3كاسات رز الوليمه أو أبوكاس أو أي رز هندي مغسول ومنقع
بهارات مشكله أسمها أبازير كبسه
الطريقه:
نجيب البصل ونقلقله في الزيت حتى يصير ذهبي اللون
نحط عليه خلطة الطماطم والبهارات والماجي والملح
غسلي الدجاجه وحطيها عليها
غطي القدر <القدر الكاتم > وخليها 10 دقايق
بعد كذا طلعي الدجاحه من القدر ودخليها الفرن تتحمر
حطي الرز في القدر مكان الدجاج وأكتمي القدر وخليه 5 دقايق
بينما يجهز الرز ويتحمر الدجاج صلحي الشعيريه
مقادير الشعيريه وطريقة عملها:
شعيرية الوطنيه
زيت لتحمير الشعيريه
سكر حسب الرغبه
ماء
الطريقه:
نكسر الشعيريه ونحطها في المقلى ونحط عليها الزيت ونحمرها حتى يصير لونها بني فاتح
بعد كذا نصفي الزيت ونحط عليها كميه مناسبه من الماء والسكر ونخليها على النار حتى تنضج وتنشف المويه ونخليها على جنب
نجيب بقدونس ونقطعه او نفرمه ناعم
وبعد مايجهز الرز نفضيه في صحن التقديم ونحط الدجاجه في الوسط ونجيب الشعيريه والبقدونس ونرشها فوق الرز،ويقدم معه السلطه والمشروب البارد
وان شاء الله يعجبكم
وبالهناء والشفاء::cook: