رز بالفاصوليا الخضراء واللحم .. وجبة كاملة في صحن واحد .. بالصورة

سلامي لسنفوراتي وكمان للي لسه ما اتسنفروا <== لا تسألوني يعني ايش ..
المهم ...
هذي طريقة رز كتكوتة مرة
اسلقي لحم في قدر وأزيلي الزفر اللي يطلع ...
لما يبقاله 10 دقايق ويستوي اللحم حطي معاه ماجي وفلفل أسود وكمون وكزبرة ناشفة وفلفل أسود وفاصوليا خضراء مقطعة وجزر مكعبات وطماطم مكعبات وفلفل أخضر مكعبات وبطاطس مكعبات وبصل مكعبات وثوم مفروم (ملاحظة: كل الخضار نيئة!!!) ..
خليها تفور مع اللحم 10-15 دقيقة عشان تذوب شوية ...
حطي عليها الرز وضبطي الموية حقته اما بزيادة أو نقصان وخلي الرز يتدللللللللع على نار هادية زي العادة اليييييين يستوي ...
أنا بخرته في النهاية بس مو شرط (التبخير: قطعة قصدير تشكليها زي الزبدية وتحفري حفرة في الرز وتحطيها فيه وتصبي فيه شوية زيت وتسقطي قطعة جمرة مشتعلة فيه وبسررررررررررعة تقفلي القدر وتكتمييييييييه عشان ما يطلع الدخان وتخليه كدا 10 دقايق) بسسسسسسس!! قدمي الرز في صحن مع سلطة وشطة حارة