رز بالقرصان تسويه امي لذيذ يميميميميميم

مرحبا بنات اليوم بنغير عن الحلويات ونخش على الثقيل
على حبيب قلبي الرز وبقول لكم علي طريقه رز بالقرصان تعلمتها من امي الله يحفظها

الطريقه
نقعي 6 .اكوب رز ابو كاس اوالوليمه او اي نوع انتي تستعملين وخوذي دجاجه وقطعيها
ارباع قطعي حبه بصل وحطيها في قدر وحطي زيت وهات ياتكشين حطي الكمون والبهار
الابيض وحب هيل وقرفه وملح بعدين الدجاج والماء وخليها لين تستوي.
بهذا الوقت قطعي بصل كثير تقريبن خمس اواربع فصوص وحطيه في قدر حطي عليه زبده
او سمن حطيه على النار وقلبي لين يذوب اطحني خمس حبات طماط وحطيها عليه وحطي
بهارات وصلصه وشوي كركم وملح وخليها لين تطبخ زين وسكري عليها .
بهذا الوقت الدجاج يكون استواء حطيه في صينيه وادهنيه بالصلصه وحمريه بالفرن
جيبي حله القرصان تعرفونها المعدن الوسيعه اللي تصلحون فيها القرصان ولها غطاء زي
القدر المهم قطعي بصل وزيت وكشني بعدين حطي عليه ماء الدجاج بعد ما تشخلينه وكبي
عليه الرز وتاكدي من الملح ورشي عليه شوى هيل مطحون وحطي فلفل حار:o
بعد ما يتنشف الرز وتقصرين النار عليه مره جيبي الدجاج ويكون تحمر وزعيه فوق الرز
وجيبي حبه قرصان الرطب وفرشيه فوق الدجاج ورشي فوقه من خلطه البصل والطماط
اللي سوينها حطي كميه لين ترطبين القرص كله وكرري ها العمليه اربع مرات يعني
اربع قرصان وبعدين غلفيه بالقصدير وحطي الغطاء وخليه على نار هاديه ساعه الا ربع
وبا العافيه على قلوبكم :cook:
البرحيه