رز باللبن سهل و لذييذ

سلام عليكم
طبعا أنا هنا حاسه ان خبرتي نقطه في بحر بالنسبه لتجاربكم و اكلاتكم اللذيذه بس انا جربت حاجه و عايزاكوا تشجعوني

رز باللبن علي طريقتي:

يشطف الارز مره واحده عشان مايفقدش النشا اللي فيه ويفضل يكون مصري
الاول تغلي الارز في لبن صافي (عشان يبقي مغذي لأن بنتي عندها سنه و بتحبه) و تكون كمية الارز مناسبه مع اللبن
يترك يغلي لغاية ما يستوي زياده عن اللزوم و يكون قوامه متماسك شويه و طبعا تضيفي عليه السكر (او عسل أبيض) حسب الرغبه لأني بحبه سكر قليل خالص

الجديد :
قطعي تفاح قطع صغيره ممكن يكون تفاح قديم في التلاجه او سكره قليل
ضعي سكرعلي التفاح حتي يغطي كل قطعه
ضعيه في طاسه تيفال ع النار حتي يصبح لون قطع التفاح بني (مكرمل) و ممكن تزودي الكرامل و تقللي السكر المضاف للأرز باللبن لو تحبي

ضعيه في أطباق التقديم طبقه رز باللبن و طبقه مش كبيره من التفاح المكرمل و ع الوش شويه
ممكن تبدلي التفاح بأي فاكهه ماسكه نفسها زي الكمتره

بالهنا و الشفا