السلام عليكم :
هذي طريقة الرز باللحم سهلة و لذيذة مرة و تواجه اسويها لما يكون عندنا ضيوف دايما تعلمتها من امي الله يخليها لي
المقادير و الطريقة :
لحم مقطع لقطع
رز حسب حاجتك اناسويت 3 اكواب
بصلة مقطة
فلفل حار
بهارات عدلة (قرفة .مسمار ,هيل ,كزبرة ،فلفل اسود ليمون اسود)
اول شي اسلقي اللحم مع البصل والثوم و البهار العدل و الفلفل الحار بماي لمن يقرب يستوي بعدين املحيه بالاخير قبل لاطفين النار عشان مايقسى اللحم
اذا خلص اللحم حطيه في صنية الفرن وخوذي شوي من مرق اللحم ولونيه بصفار الزعفران واصبغي اللحم بصفار الزعفران عشان يكسب لون حلو وبعدين اشويه بالفرن من فوق حتى يتحمر وبكذا يخلص اللحم
زي كذا
وبعد الشوي
ما شويته كثير لان الخاروف صغير ولحمة قليل
نجي للرز انا استخدم بنجابي المهيدب نقعتة ساعة الا ربع اكثر من كذا يصير عجين وصفيت مرق اللحم من البصل و البهار وحطيت فلفل حار و ليمون اسود وو رق غار وشوي زيت عشان يتفلل الرز
لمن يفور الرز نقصر عليه النار ماراح يحتاج ان شالله اكثر من ربع ساعة وبعد مرور عشر دقايق نسوي بالرز حفرة ونحط في من الحشوة
ونرجع نسكرة خمس دقايق لمن يخلص ونخلي باقي الحشوة اذا نكبنا الرز نحطها على الوجه
مقادير وطريقة الحشوة وهي سر النكهه في هذالرز :
حبة فلفل بارد مقطعة مكعبات
حية جزر كبيرة مكعبات
حبة بصل كبرة مكعبات
نحطهم في مقلى تيفال
ونحط عليهم نص مكعب ماجي
شوي صفار زعفران
ملعقة زبدة
مغرفتين شوربة من مرقة اللحم وبس نقلبهم على النار لمن ينشفون
وبكذا تخلص الحشوة عند التقديم بيتلون الرز شوي من الحشوة وبيكون شكله حلو وملون نغرف الرز بعدين اللحم بعدين فوقه الحشوة وبس
وهذا ارسلته لاختي
تعبت الحمدلله انتهى ياااااااااااااارب يعجبكم وتجربونة وممكن تسوينه على دجاج يصلح وبالعافية مقدما ...
الله يعطيك العافيه