هلا حبيباتي كيفكم اليوم جابيتلكم طريقتنا في الرز البخاري
وإذا طبقتوها 100% اضمنلكم انو راح يزبط بإذن الله ..
المقادير :
لحم- جزر مقطع شرايح رفيعه وقطعي كثير حوالي 5 جزرات -بصل مقطع شرايح-
رز منقوع في المويه لمدة نص ساعه-طماطمتين مفرومه في الخلاط-ملعقتين او ثلاث صلصه-فلفل اسود-ملح-زيت.
طبعا هذي المقادير ل 4 أشخاص.
الطريقة :
تحطي شوية زيت في القدر والبصل وتخليه الين مايسير بني انتبهي مو يتحرق
واضيفي الجزر الشرايح وقلبيهم شويه حتلاحظي يسير لون الزيت برتقالي بعدين
تضيفي اللحم وتكوني سالقتو قبلها بساعتين وتقلبيها شويه وتكبي عليها الطماطم
وحتلاحظي انها تفك مويا هنا انتبهي لا تقلبي مرره واضيفي الصلصه وغطي القدر
ووطي النار وخليها 10 دقايق بس راقبي القدر لا يتحرق واضيفي الرز المنقوع
ومويا تغطي الرز وقلبي قلبه وحده بالملعقه وسيبيه الين مايستوي ماراح ياخد وقت
لأن الرز منقوع واضيفي الملح والفلفل الأسود فقط .. وبالعافيه..
ملاحظه كترو الجزر لأنو يعطي نكهه والرز تنقعو في المويا بعد ماتغسليه وتسيبيه نص ساعه..
وسلقت اللحمه ساعتين لأنو ماعندي قدر ضغط..
واي سؤال حاااااااضره ..سامحوني مو راضي اللاب توب ينزل الصور..
اللي حابه تنقل الطريقه مو مشكله بس تقول اسمي..
ّأم منوله @am_mnolh_1
عضوة نشيطة
يلزم عليك تسجيل الدخول أولًا لكتابة تعليق.
وردة الجوري2000
•
مشكوووووووووووووووووره يالغلا ماقصرتي
الصفحة الأخيرة