رز جدتي يجننننننن😋

هذي طريقة رز جدتي الله يلطف بحالها
كانت تسوي رز مافي احد يقدر يسوي زيه طعم يجنن والله أتخيل ريحته الي الحين طبعاً انا حاولت لين قدرت اسوي قريب منه طبعاً من اول كانت هي الي تذبح الدجاجة وتنظفها وتطبخها في نفس الوقت علشان كذه كان الطعم لا يعلى عليه المهم انا جبت لكم الطريقة وابغاكم تجربونها وتدهون لي لوجدتي 
المقادير:دجاجة منظفة ومنقوعة في ماء وملح 
بصل كبير احمر مقطع صغير
طماطم اربع حبات مقطعة صغيرة
بكت صلصة السعودية اولونا 
زيت حوالي كاسة الا ثلث
خمس كاسات رز ابو سيوف
حبتين فلفل حار غير مفتوح الرأس 
مكعبين مرقة ماجي وملح 
ماء مغلي
الطريقة:طبعاً السر في الطريقة
أحط الزيت في القدر وأولع عليه وأحط عليه البصل
وأصغر النار قليل وتحرك فيه لين يتحمرزين بس مو ينحرق وأحط عليه الدجاج وأصغر النار ومره أحرك ومره اغطي القدر لين تنشف الموية وأحط الطماطم والفلفل الحار ومعجون الطماطم والملح وحبتين مرقة ماجي واصغره النار على الآخر واخليه حوالي نصف ساعة مع التحريك كل بعد سبع دقايق إذا سويتي نفس الطريق ماراح يحتاج ماء علشان يستوي بيستوي من السوائل الي منه وخااااصة إذا القدر مغطى زين 
بعدين تغسلين الرز زين وتحطينه على الدجاج وقلبي شوي وبعدين صبي قليل مويه مو مره واحده يعني كل ماينشف زيدية قليييل لين يستوي وكمان مااخلي الرز يطبخ كثير أخلي الحبة شوي قاسية وراح تأكلون أصابعكم ورآه  
اماااااانه الي تجربة ترد علي 
في انتظار آرائكم