اسعد الله مساءكم بالنور والايمان ومرضاة الرحمن ,,,
ندخل في الماضوع دغري :)
سويت رز وحبيت اعطيكم الطريقة عل وعسى وحدة تجربها وانشهر هههههه وتدعي لي ,,
للاسف ما مداني اصور الخطوات بالتفصيل الممل بس ان شاء الله شرحي يفيد بالغرض ,,
يلا بسم الله المقادير مع الطريقة ,,,
(1)
قليت شرايح بطاطس وجزر ,,ونصفيها ونخليها على جنب ,,
(2)
جبت قدر حطيت بصل وزيت وزبدة وبهارات صحيحة ( 3 هيل + عود قرفة + 3 قرنفل ) وقرن فلفل اخضر سليم للنفس ,,
وشوحته والين ما قرب يذبل البصل حطيت صدور الدجاج وقلبته شويتين وحطيت عليه فص ثوم مدقوق ورشة فلفل اسود وملح
ولما بدأ الدجاج ييشقر من الناحتين حطيت فوقه الموية وسبتها تغلي الين ما استوت الدجاج شلته على جنب وزدت الموية عشان الرز ,,,
وحطيت الرز طبعا المغسول والمنقوع ربع ساعة حطيته على مرقة الدجاج ,,,
هنا الرز لما استوى
( 3 )
في قدر ثاني حطيت بصل وشوي زيت وزبدة + زبيب
+ فلفل رومي + صدور الدجاج اللي سلقناها +
طماطمة + ملعقة صلصة + ( البطاطس والجزر )
المقلية + ماجي وفلفل اسود وبهارات مشكلة وشوي بهارات الشوي ,,
وسبتها تتسبك ونطفي عليها ونخليها على جنب ...
( 4 )
نسلق شوي مكرونة وبعد ما تستوي ونصفيها نرش عليها شوي ملح وفلفل وبهار وصبغة لون ,,
وهنا في التقديم ترى الموضوع على عجلة ما في فرصة تزيين
بس الطعم هو الحكم (اهم شي الاخلاق ههههه)
الصور تتحدث
صور مقربة تعذيبية
قدمي معاها سلطة خضراء
و سلطة حارة وتمتعي بالطعم
** ملاحظة **
ترى على فكرة المفروض دجاج كامل او نص دجاجة بالعظم والجلد بعد ما تنسلق تبهريها
وتحطيها في الفرن من فوق تأخذ لون ,,
بس ماكان عندي غير صدور واختصرت الوقت ,,,
***********
لا يغركم الشرح طويل بس تراها سهلة
جربوا واحكموا اشوفكم ان شاء الله في الاطباق المجربة
والى طبق اخر بإذن الله والى ذالك الحين
استودعكم الله الذي لا تضيع ودائعه :26:
