السلام عليكم ورحمة الله
احيان اكون مالي خلق حوسه مواعين وتعب ...!!
وجوعانه ومليت من السندويشات والاكلات السريعه ..
وعجازه من الكبسات والدجاج ...
المهم قلت بدل مااكل شي بارد ..
ليش مااسوي طريقه للرز سهله واجرب ..
المهم
اخذت تاووه صغيره حقت القلي شوفها بالصوره
وغسلت فيها الرز
وصبيت عليها ماي مغلي ضعف كمية الارز ( وهذي قاعده اساسيه بالرز .. يكون الماي ضعف كمية الرز )
وحطيت شوي بازاليا مجمده و شوي ذره مجمده
وشوي ملح
وشوي بهارات
وشوي زيت
بسسسسسسسس
وغطيته على النار
10 دقايق وهو جااهز 👇👇
شوفو الصور 👇
https://d2s63a22uzwg40.cloudfront.net/1/0/6/9/1/7/8/5460a57ad5e8e.jpg
وهنا بعد ماجهز 👇
لذيذ مع اللبن 👍
طعم رز وشبع والحمدلله .. لاحمسات ومقليات وريحة زفر وخرابيط زيوت تجيب المرض وتفرط الوحده فرط
وتسكر الشرايين والقيلون .... الخ
كبسه خفيفه بالخضار والفلفل الاسود كلها صحيه
عاد كل يوم نوعي
مره بجزر مبشور وكوسه ، مره بالخضار اللي تحبين
.....
التونه طريقتها عندي سهله ولذيذه مررره
احط شوي ماي على النار .. اضيف لها التونه بعد ما ازيل الزيت
دقيقه وحده واشيلها
بصحن هي ومرقها واضيف لها ملعقة خل وشوي ملح وشوي فلفل اسود
وعصرة ليمون .. تطلع وااااااو 👍👍
احيان اقطع عليها خيار بشكل طولي
واحيان فلفل بارد
واذا تحبين الكتشب شكلي عليها خطوط
شكل وطعم رووعه .
تصلح مع الرز او لجوع اخر الليل 😄.
احاول اعطيكم صوره لها
باين شكله لذيذ