اليوم أن شاء الله جيبتلكم طريقة عمل الرز بالشعريه خطوه بخطوه..
هنا جميع المكونات ألي أستخدمتها شعريه ورز ومويه وبهارات(مستكه,هيل,ملح,ماجي), زبدة
شعريه.
ملح,مستكه,هيل,ماجي.
ولعت النار على القدر وحطيت الزبده.
لما قدحت الزبده حطيت المستكة والهيل .
هنا كدا دابت المستكة.
حطيت الشعرية وحمستها ألين لما حمرت.
حطيت الرز يتحمس شويه علشان يتفلفل وما يتكسر حبه بحبتها على قول بابا لما يمسك حبه الرز ويفعصها تنط لأخر الغرفه وهيا مستوية وواقفه على حيلها زي الألف ويارب أشفيلي بابتي من كل شر.
يتبع
حطيت البهارات(ماجي, ملح) وخليته يفور فورتين ورخيت النار علشان يستوي على مهله على قول بابا هدي وأصبري على رزك ألين لما يستوي .
كدا شكل الرز لما أستوى.
وهنا شكله في صحن التقديم.
وبصحتين على قلوبكم ومحل مايسري يمري.