رز مبخر بس لذيذ جداً...... تفضلوا

السلام عليكم ورحمة الله وبركاته

اليوم يا عزيزاتي راح أكتب لكم طبق جربته قبل كم يوم... وعجب زوجي وولدي وكلوا الرز كله

المقادير....

سمك طبعاً منظف ومبزر وجاهز للقلي... أنا إستخدمت سمك الكنعد

رز على حسب الكمية المناسبة لكل بيت

ملح + 2 مكعب ماجي بالخضار

هيل كم حبة + قرنفل ( مسمار ) كم حبة بس لا تزودي كثير + شوي من الكمون + كم عود قرفة

سمن + بصل مقطع شرائح

بازلا أو ممكن تستخدمي الخضار المثلجة

ورق غار حبتين

الطريقة...

1) يسخن السمن في القدر وبعدين نحط عليه البهارات الصحيحة + ورق الغار... حتى تطلع ريحتهم...
2) وبعدين نضيف لهم البصل ونقلبهم جيداً حتى يبدأ يذبل

4) نحط عليهم الرز ونقلبهم جيداً.. ونخليه شوي علشان يتسبك مع البهارات الصحيحة والسمن

5) نضيف عليهم الماء+ البازلا ونترك الرز حتى يستوي جيداً

6) بعدين نجيب فنجان ونحط عليه شوي من زيت الزيتون ونحطه على الرز... ونحط فيه الجمرة الحمراء... ونسكر على الرز جيداً حتى يتسبك بالبخار... وبعدين نسكب زيت الزيتون في الرز ونقلبه ونقدمة مع السمك المقلي أو الدجاج أو اللحم المقلي

وانا والعائلة نفضله بالسمك المقلي أحلى و ألذ

وطبعاً لا تنسوا السلطة بنكهة الثوم... والله روعة


وأي سؤال أنا حاضرة لكم.... بس حربوا الطبق وقولولي رايكم


شكوكو... أم الوليد:27: