رز يمي يمي

السلام عليكم ورحمة الله وبركاته
كنت اتمنى احط صورة للرز بس نسيت ماصورت
وما ادري هالطريقة موجودة ولا لا
<<< تلقينها مغبرة والناس طارت بارزاقها
تاخذين دجاجه وتنزعين منها الجلد والعظم (( لاترمين العظم خلية بقولك وش تسوين به ))وتقطعينها مكعبات صغيرة ،، مثل تقريبا حجم حبة التمر .
<<< ما أعرف اوصف
تحطين في قدر كبير (( اذا كنتي من انصار الزبدة والسمن حطي زبدة او سمن ،، واذا كنتي مثلي من انصار الزيت وتخافين الكولسترول حطي زيت عافية ))
وبعدين اذا صار حار شوية نزلي فية قطع الدجاج وجلسي قلبي لحد ماتتحمر ويصير لونها ذهبي ،
بعدين حطي عليها البصل المقطع صغير وقلبي لحد مايذبل البصل وبعدين حطي فلفل اخضر بارد وقلبي وبعدين حطي الملح وبهاراتك اللي تبغين ،، وخليها اشوي وطفي النار،،
طبعا هي راح تستوي بسرعه لأن الدجاج بصير مقطع صغير وبيستوي بسرعه
وقبل ماتقفلين بدقيقة حطي الثوم المفروم ولا المدقوق على الدجاج وقفلي عليه .
عظام الدجاج خليها تغلي في ماء معه هيل وكمون وقليل من القرفه
لمده نص ساعه او 45 دقيقة
بعد مرور 45 دقيقة شيلي العظام مع السلامة بالزبالة وحطي على المرق زيت او زبدة او سمنه شوفي انتي وش تفضلين ،،
بعدين جيبي الرز طبعا انتي غاسلته من قبل ومنقوع وحطيه على المرق وخليه لحد مايستوي الرز
بعد كذا اذا استوى الرز ....والدجاج خلاص مستوي من قبل ،، اذا كنتي خلاص بتحطين الغدا
كبي الرز على قدر الدجاج وهاتي ياخط بس بشويش عشان ماتتكسر حبات الرز .
وبعدين غرفيها في صحن التقديم
وكل ماكان خلطة الدجاج اكثر كل ماصار احلى
قدميها مع سلطة مقطعة قطع صغيرة ،، يعني يكون في لقمتك اشوي رزوحبة دجاج وشوية سلطة
تطلع يمي :)
حتي طريقة الأكل علمتكم اياها ماعندي سالفه ادري:42:
يلا مع السلامة واسفة على الاسلوب الركيك في الشرح واي نقطة مستعدة اشرحها .